Ауа райының қолайсыздығына байланысты Ақмола облысының бірнеше ауданында автожолдардың жабылуына байланысты трассадан 51 адам, оның ішінде екі бала эвакуацияланды, – деп хабарлайды Ақмола облысы ТЖД баспасөз қызметі.
Адамдар Жақсы, Зеренді, Атбасар және Бурабай аудандарындағы жылыту пункттеріне эвакуацияланған.
Жол-көлік оқиғасына жол бермеу мақсатында полиция қызметкерлері «Шортанды кенті-Нұр-сұлтан қаласы» 16 а/м, «Щучинск қаласы-Көкшетау қаласы» 80 а/м бағытында екі автоколонна-96 автомашина құрастырып, алып жүрді.
ТЖД қысқы кезеңдегі ТЖ-ға жедел ден қою мақсатында жеке құрамның 370 адамы және жүріп өту мүмкіндігі жоғары шассиде 76 автомобиль дайындалды, олар төтенше жағдайларға барынша ұшырағыштықты ескере отырып бөлімшелер бойынша бөлінді.
Ауа райы жағдайына байланысты межелі пункттен тыс қалған азаматтарды қабылдауға және уақытша орналастыруға 268 жылыту пункті және 193 тамақтану пункті дайындалды.
Облыстың автожолдарында шұғыл медициналық көмек көрсету үшін үш трассалық медициналық-құтқару пункті (Аршалы, Бұланды және Жақсы аудандарында) жұмыс істейді, олар шұғыл жағдайларда жылыту пункттері ретінде пайдаланылуы мүмкін.
Ақмола облысының ТЖД азаматтардан алдағы боран туралы СМС хабарлама алған кезде хабарламаларды ескеріп, елді мекендерден тыс жерлерге шықпауды сұрайды. Өзіңізді және жақындарыңызды қорғаңыз.
