ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаменті Целиноград ауданының ішкі саясат бөлімімен бірлесіп, БҰҰ Есірткі және қылмыс жөніндегі басқармасының үйлестіруімен ағымдағы жылдың 6-9 тамыз аралығында Ақмола облысында облыстың және Астана қаласының ЖОО-лары мен жастар қоғамдық бірлестіктерінің жастар ұйымдары көшбасшылары үшін Республикалық сыбайлас жемқорлыққа қарсы жазғы мектеп өткізді.
Іс-шараның мақсаты — жас ұрпақтың сыбайлас жемқорлыққа қарсы мәдениетін қалыптастыру және сыбайлас жемқорлыққа қарсы саясаттың негізгі факторы ретінде сыбайлас жемқорлыққа нөлдік төзімділік қағидатын ілгерілету.
Спикерлер ретінде сыбайлас жемқорлыққа қарсы іс-қимыл агенттігінің қызметкерлері, БҰҰ-ның Есірткі және қылмыс жөніндегі өкілдері, сертификатталған жаттықтырушылар мен сарапшылар қатысты.
Үш күн ішінде мектеп тыңдаушыларына сыбайлас жемқорлыққа қарсы саясат пен ұлттық заңнамаға шолу, білім беру саласындағы халықаралық сыбайлас жемқорлыққа қарсы бастамалар, сондай-ақ сыбайлас жемқорлыққа қарсы іс-қимыл құралы ретінде қоғамдық бақылау қағидаттары таныстырылды.
Жазғы мектеп шеңберінде қатысушылар білім беру саласындағы сыбайлас жемқорлық көріністерін төмендетуге бағытталған жобаларды дайындады және Қазақстанда сыбайлас жемқорлыққа қарсы саясатты дамыту бойынша өз ұсыныстарын енгізді және ол ұсыныстар сыбайлас жемқорлыққа қарсы қызмет жұмысында ескерілетін болады.
Іс-шара соңында жастар көшбасшыларына Жазғы сыбайлас жемқорлыққа қарсы мектепте оқығаны туралы сертификаттар табыс етіліп, үздік сыбайлас жемқорлыққа қарсы жоба кубогымен, белсенді қатысушылар түрлі номинациялармен марапатталды.
