Пятница, 3 января, 2025
ЖаңалықтарӨңірлерЖақсыЖақсы ауданының дәрігерлері күрделі отаны сәтті жасады

Жақсы ауданының дәрігерлері күрделі отаны сәтті жасады

Сондай-ақ, оқыңыз...

2024 жылдың 21 тамызында Жақсы аудандық ауруханасында жергілікті дәрігерлер Илизаров аппаратының көмегімен 38 жастағы науқастың сол жақ аяқ сүйегінің ортаңғы бөлігіндегі ашық көпжарылы сынуына ота жасады. Науқас жарақатты баспалдақтан құлаған кезде тұрмыстық жағдайда алған.

«Илизаров аппараты арқылы жасалатын сүйек дистракциялық остеосинтез отасы ұзын түтік тәрізді сүйектердің ашық сынуын емдеудегі әлемдік стандарт. Бұл әдіс науқастың отадан кейінгі күні-ақ белсенділік танытып, ота жасалған аяққа тұруына мүмкіндік береді, ұзақ төсек тартып жатудың алдын алады», — деп атап өтті отаға қатысқан хирургия бөлімінің меңгерушісі Аманжол Нұрмұхаметов.

Ота бір жарым сағатқа созылды. Оны екі хирург — Аманжол Нұрмұхаметов және емдеу ісі жөніндегі бас дәрігердің орынбасары Жанайдар Қажденбеков жүргізді. Илизаров аппаратын қолданудың арқасында науқастың сынған сүйегінің тезірек бітісіп кетуіне қолайлы жағдай жасалады.

Науқас бірнеше күн стационарда болып, кейін амбулаториялық емдеуге ауыстырылады. Айта кету керек, Жақсы аудандық ауруханасының хирургия бөлімінде экстрамедулярлық остеосинтез, өт жолы тастарына, жарықтарға және геморроидэктомияға қатысты күрделі оталар да жасалады, сондай-ақ тәулік бойы шұғыл хирургиялық және гинекологиялық көмек көрсетіледі.

«Біз хирургиялық базамызды белсенді дамытып жатырмыз және жаңа интрамедулярлық остеосинтез әдісін енгізуді жоспарлап отырмыз. Ол үшін қажетті құрал-жабдықтар мен материалдар сатып алынуда», — деді Аманжол Нұрмұхаметов.

Соңғы екі айда аурухананың хирургия бөлімінде дәрігерлер 50-ден астам ота жасады, бұл медицина қызметкерлерінің жоғары біліктілігі мен тәжірибесін дәлелдейді.

spot_img
- Жарнама -Newspaper WordPress Theme

Соңғы жаңалықтар

Жергілікті жолдардың және көше-жол желісінің сапасы талқыланды

«Жол активтерінің Ұлттық сапа Орталығы» РМК Акмола облысы бойынша филиалының директоры Талғат Қайратхан мен автомобиль жолдары және жолаушылар көлігі басқармасының басшысы Владимир Кулаков жергілікті...

МҚІА департаментінің ұсынысы негізінде 178 фермерге 418 миллион теңге субсидия тағайындалды

ҚР Мемлекеттік қызмет істері агенттігінің Ақмола облысы бойынша департаменті «Саны зиян тигізудің экономикалық шегінен жоғары зиянды және аса қауіпті зиянды организмдерге, карантинді объектілерге қарсы...

Мемлекеттік қызметшілер қайырымдылық іспен айналысуда

Қазақстан Республикасы Мемлекеттік қызмет істері агенттігінің Ақмола облысы бойынша департаментімен өткізілетін волонтерлік жұмыс аясында және мемлекеттік қызметшінің кәсіби-тұлғалық болмысын жетілдіруге бағытталған қадамдық жоспарды орындау...

Өңірдің мемлекеттік қызметшілері донорлық қан қорын толықтырды

Қазақстан Республикасы Мемлекеттік қызмет істері агенттігінің Ақмола облысы бойынша департаментімен өткізілетін волонтерлік жұмыс аясында және мемлекеттік қызметшінің кәсіби-тұлғалық болмысын жетілдіруге бағытталған қадамдық жоспарды орындау...

Саяси қуғын-сүргіндер құрбандарына ақшалай өтемақы төлеу мемлекеттік көрсетілетін қызметтер тізіліміне енгізілді

ҚР Мемлекеттік қызмет істері агенттігінің Ақмола облысы бойынша департаменті Агенттіктің тапсырмасы негізінде тұрақты негізде мемлекеттік көрсетілетін қызметтерді жетілдіру бағытында талдау жүргізеді. Ағымдағы жылдың наурыз айында...