Ағымдағы жылдың 19 қыркүйегінде сыбайлас жемқорлыққа қарсы мобильді топ Степногорск қаласының тұрғындарына көшпелі консультативтік-құқықтық көмек ұйымдастырды.
Аталған акцияны Ақмола облысының сыбайлас жемқорлыққа қарсы іс-қимыл департаменті дайындады.
Консультанттар ретінде жергілікті атқарушы органдардың, «Атамекен» ҰКП және «АMANAT» партиясы филиалдарының өкілдері, адвокат, нотариус және жеке сот орындаушысы тартылды.
Кездесу барысында тұрғындардан жер учаскелеріне берілген құқықтарына ауыртпалық салу және қалпына келтіру, салық салу, тұтынушылардың құқықтарын қорғау, сондай-ақ жеке меншік балабақшалар мен МӘМС жүйесіндегі медициналық ұйымдардың қызметін регламенттейтін нормативтік құқықтық актілердегі өзгерістер туралы сұрақтар келіп түсті.
Барлық қойылған сұрақтар бойынша құқықтық көмек көрсетіліп, қолданыстағы заңнама нормаларына сәйкес түсіндіру жұмыстары жүргізілді. Аталған мәселелерді шешу Ақмола облысы бойынша Сыбайлас жемқорлыққа қарсы қызмет департаментінің бақылауына алынды.