Қоғамдық орындарда қылмысқа қарсы күресті күшейту, құқық бұзушылықтардың алдын алу және жолын кесу мақсатында ағымдағы жылдың 15-17 наурызы аралығында Ақмола облысында «Құқықтық тәртіп» жедел-профилактикалық іс-шарасы өткізілуде.
Ағымдағы жылдың 15 наурызында Ақмола облысы ПД экстремизмге қарсы күрес басқармасының қызметкерлері Астрахан ауданы тұрғынының қаруды заңсыз сақтау фактісін анықтады.
Ауыл тұрғынының шаруашылық құрылысында полицейлер ішкі істер органдарында тіркелмеген «ТОЗ-БМ» маркалы тегіс ұңғылы аңшылық мылтықты тауып алып, тәркіледі.
Осы факті бойынша ҚР ӘҚБтК 482-бабы 1-бөлігіне сәйкес әкімшілік хаттамасы жасалды. Баллистикалық сараптама тағайындалды.
