Дүйсенбі, Шілде 15, 2024
17.6 C
Kokshetau
19 C
Nur-Sultan
21 C
Almaty
ЖаңалықтарӨңірлерКөкшетауЖетімдер үйін жойып, ана мен бала денсаулығын бақылауға аламыз!

Жетімдер үйін жойып, ана мен бала денсаулығын бақылауға аламыз!

Өзінің сайлауалды бағдарламасымен таныстыру мақсатында «Nur Otan»  партиясы Көкшетау аумақтық филиалында қалалық мәслихат депутаттығынан үміткер кандидаттар Zoom платформасы арқылы халықпен жүздесті. Көпбалалы аналар, жетім балаларды қамқорлығына алғандар өз сауалдарын жолдап, нақты әрі тұшымды жауап алды.

Көкшетау қалалық мәслихатына кандидат «Аналар үйі» дағдарыс орталығының үйлестірушісі Құралай Жұмабекова өз балаларымен қоса тағы бес жетімекті бауырына басып отыр. Сайлауалды бағдарламасы да елімізде балалар үйін жойып, әр жетімекті отбасылардың асырап алуына мүдделі. Өзі жетекшілік етіп отырған орталықтағы әйелдердің тең жартысы жетім балалар үйінен шыққандар. Олардың барар жері, басар тауы қалмаған. Шарасыздықтан «Аналар үйін» паналап отыр. Бірақ ол үйде жарты жылдан артық тұруға болмайды. Жалғызбасты аналардың ары қарайғы тағдыры ешкімді алаңдатпайды.

Сол сияқты жетім балалар да 18 жасқа дейін мемлекет қарауында болып, одан кейін өз күнін өзі көруге мәжбүр. Осы және тағы да басқа түйткілді мәселелерді кандидат күні ертеңдері депутат бола қалса, жоғарғы жаққа жеткізіп, заңға өзгеріс мен толықтырулар енгізуге жұмыс істемек. Құралай Жұмабековаға сауалдарын жолдаған көпбалалы және жетімектерді бауырына басқан аналардың да көтерген мәселесі осы болды. Көкшетау қалалық емхананың бас дәрігері, қалалық мәслихат депутаттығынан үміткер Ғалия Сабатаева да халық денсаулығына алаңдайды. Ол жетекшілік ететін мекемеге емделуге келетіндердің бәрінің бірдей жағдайы мәз емес.

Тұрмысы ауыр, әлеуметтік жағдайы төмен отбастары өте көп. Олардың мәселесін назарға алу керек. Сонда ғана денсаулықтары дұрыс болады. Ал, халықты қабылдайтын учаскелік дәрігерлердің жетіспеушілігі – өзекті. Жылдың соңына дейін тағы 6 учаскелік дәрігер жұмысынан кеткелі отыр. Бұл дегеніміз 12 мың адамның маман кеңесінен қалыс қалу қаупін төндіруде. Жалпы бюджеттен бөлінетін қаржының көп бөлігі халықтың әлеуметтік жағдайын жақсартатын жәрдемақыларға жұмсалғаны жөн.

Дәл осындай ойды «Ақай» сән үйінің директоры Ғалия Алдабергенова да айтты. Ол мемлекеттік бағдарламалар бизнес бастағысы келетін аналарға бағытталуы тиіс дейді. Әсіресе, көпбалалы аналарға қолдау аса қажет.  «Nur Otan»  партиясы Көкшетау аумақтық филиалы төрағасының бірінші орынбасары Зәуреш Олжабаева алдағы сайлау көп мәселені шешетін дода деді. Сондықтан бағдарламасы халықтың әл-ауқатын жақсартуға бағытталған осы саяси партияға дауыс беру керек. Бүгінгі күні «Nyr Otan»  партиясының атқарып отырған жұмысы ауқымды.

Елде болып жатқан жаңалықтар, өзгерістер, табыстар мен жеңістердің бәрі осы саяси ұйымның бастамасымен жүзеге асып, мемлекеттік бағдарламардың дұрыс орындалуы осы саяси ұйымның бақылауында. Елімізге жайылған індет кезінде нұротандықтар жалғызбасты қарияларды, тұрмысы төмен отбастарын, әлеуметтік аз қамтылған азаматтарға қол ұшын созып, азық-түлікпен, дәрі-дәрмекпен уақытында қамтамасыз етіп тұрды. Бұл жұмыстарға жастар мен еріктілер бір кісідей жұмылды. Сондықтан бір жеңнен қол, бір жағадан бас шығарып, ұйымшылдықпен халық үшін жұмыс істеп жатқан парияға дауыс беріңіздер деді кандидаттар.

Мақала ақысы «Nur  Otan»  партиясы Көкшетау қалалық Сайлау қорының қаражатынан төленді.

- Жарнама -Newspaper WordPress Theme

Соңғы жаңалықтар

Щучье-Бурабай курорттық аймағын дамыту жөніндегі кеңес: өзекті мәселелер мен шешімдер

Ақмола облысының әкімі Марат Ахметжановтың төрағалығымен өткен Щучье-Бурабай курорттық аймағын дамыту мәселелері жөніндегі жұмыс кеңесіне ҚР Президенті Іс Басқармасының, туризм, экономика, көлік және экология...

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...