Ауыл тұрғындарының өмір сүру деңгейін арттыру үшін елімізде «Ауыл – Ел бесігі» арнайы жобасы іске асырылуда. Оның негізгі міндеттері-ауылдық аумақтардың әлеуметтік және инженерлік инфрақұрылымын жаңғырту, оларды өңірлік стандарттар жүйесінің параметрлеріне келтіру. Ақмола облысында жобаны тиімді ілгерілету мақсатында 2025 жылға дейінгі жеке жоспар-кестесі әзірленді. Бұл құжат әртүрлі жобалар іске асырылатын ауылдық елді мекендер бойынша мәліметтерді қамтиды.
Облыстың экономика және бюджеттік жоспарлау басқармасының дерегі бойынша, 2019-2020 жылдары өңірде 72 жоба іске асырылды, бұл 15 ауылдың 80 мыңға жуық тұрғынының өмір сүру сапасын жақсартуға мүмкіндік берді. Бағдарлама шеңберінде жалпы ұзындығы 120 шақырым кентішілік жолдар жөнделді, Зеренді және Бұланды аудандарының Викторовка ауылдарының екі мыңнан астам тұрғындары сапалы орталықтандырылған сумен жабдықтауға қол жеткізді, Астраханка ауылында инженерлік желілері бар қазандық, Аршалы кентінде 88 адам қабылдайтын бассейні бар дене шынықтыру-сауықтыру кешені салынды, жылумен жабдықтау желілеріне, көшені жарықтандыруға және басқа да көптеген объектілерге жөндеу жүргізілді. 844 уақытша жұмыс орны құрылды, оның 48-і тұрақты жұмыс орны.
«Биыл ел Тәуелсіздігінің мерейтойлық жылында 27 ауылда 77 жобаны іске асыруға бюджет қаражаты бөлінді. Өткен жылдармен салыстырғанда бөлінген қаражат көлемі ұлғайды, қаржыландырылатын жобалар мен ауылдық елді мекендердің саны өсті. Бүгінгі таңда 14 жоба бойынша жұмыстар аяқталды. Бұл Краснояр ауылын жылумен жабдықтаудың сыртқы желілерін салу, Мәдениет, Егіндікөл ауылдарындағы жолдарды орташа жөндеу, Жақсы, Лозовое ауылдарындағы мәдениет үйін күрделі жөндеу және жолдарды орташа жөндеу, Новоселовка ауылындағы көше-жол желілерін орташа жөндеу», — деді ведомстводан.
Атбасар ауданының Бастау ауылында жастардың бос уақытын өткізу орталығының, Жақсы және Ақмол ауылдарында екі дене шынықтыру-сауықтыру кешенінің, Бурабай ауданының Мәдениет ауылында спорт кешенінің құрылысы, Сандықтау ауданының Балкашино ауылындағы стадионды және басқа да нысандарды қайта жаңарту жүргізілуде. Өткізіліп жатқан іс-шаралар ауылдық аумақтарды дамытуға жаңа серпін беріп, жалпы ел экономикасына оң әсерін тигізеді.
Ақмола облыстық ішкі саясат басқармасы.
