Бүгін Көкшетау қаласы әуежайының аумағында терроризмге қарсы күрес жөніндегі Ақмола облыстық жедел штабына кіретін құқық қорғау және мемлекеттік органдардың қатысуымен терроризмге қарсы оқу-жаттығу өткізілуде.
Оқу — жаттығудың негізгі міндеті-ведомствоаралық өзара іс-қимылды, жауынгерлік қабілеттілікті арттыру және терроризм актісінің жолын кесу кезіндегі іс-қимыл алгоритмін пысықтау.
Тұрғындардан ықтимал шектеулерге түсіністікпен қарап, құқық қорғау органдары өкілдерінің заңды талаптарын орындауды сұраймыз. Техниканы, оқу-жаттығу орнын фото және видео түсірмеу, осы іс-шара туралы қауесеттер мен жалған ақпарат таратпау.
Көрінеу жалған ақпарат таратқаны үшін ҚР ҚК 274-бабының 2-бөлігі бойынша «көрінеу жалған ақпарат таратқаны үшін» қылмыстық жауапкершілік қарастырылатынын еске саламыз.
Ақмола облыстық терроризмге қарсы күрес жөніндегі жедел штаб.
