Сенбі, Мамыр 4, 2024
6.9 C
Kokshetau
10 C
Nur-Sultan
14 C
Almaty
ЖаңалықтарAMANATКөкшетау спортшыларына референдумның маңызы түсіндірілді

Көкшетау спортшыларына референдумның маңызы түсіндірілді

«АMANAT» партиясы Ақмола облыстық филиалының атқарушы хатшысы Айна Мысырәлімова референдумды қолдау бойынша құрылған штаб мүшесі Аманай Сейтқасымовпен Көкшетау қаласының спортшыларымен кездесіп, Конститутцияға өзгерістер мен толықтырулар енгізу бойынша жалпыхалықтық референдумның маңызы мен мәнін түсіндірді.

«Мемлекеттік басқару жүйесін өзгертіп, елдегі саяси ахуалға жаңа дем беретін Конституциялық референдум – жалпыхалықтық деңгейде осымен екінші мәрте өткізілгелі отыр. Бұл – «Халық үніне құлақ асатын мемлекет» қағидасының нақты жүзеге асуының дәлелі»,- деп атап өтті өңірлік штаб мүшесі, партияның облыстық филиалының атқарушы хатшысы Айна Мысырәлімова.

Яғни, 5-маусым күні өтетін жалпыхалықтық референдумда Конституциядағы 98 баптың 33-іне өзгерістер енгізілетін болады. Бұл дегеніміз Конституциялық реформа ел дамуының жаңа кезеңі басталғанын көрсетеді. Тарихшы Аманай Асылбайұлы референдумды қолдау бойынша құрылған қалалық штабтың мүшесі ретінде спортшыларға референдумға қатысудың маңыздылығы туралы жақсылап түсіндіріп берді.

«Конституцияның жаңарған нұсқасында Мемлекет басшысының жақын туыстарына саяси лауазым иеленуге және квазимемлекеттік секторда басшылық қызмет атқаруға тыйым салынады. Сондай-ақ, құқық қорғау саласы бойынша маңызды өзгерістер енгізіледі. Атап айтсақ, Конституциялық сот құрылады. Адам құқықтары жөніндегі уәкілдің, яғни омбудсменнің мәртебесі Ата заңмен айқындалады. Елімізде өлім жазасы мүлде жойылады. Мұның бәрі азаматтардың құқықтары мен бостандықтарын қорғау үшін жасалып жатыр»,- деді өз сөзінде Аманай Асылбайұлы.

Осындай ақпараттық-түсіндіру жұмыстарының нәтижесінде кездесуге қатысқан Қазақстан мен Азияның бірнеше дүркін чемпионы, бокстан спорт шебері Мөлдір Базарбаева референдумға міндетті түрде қатысатынын жеткізді. Айта кетейік, Мөлдір Базарбаева ҚР Конституциясының құрдасы болып табылады.

«Шынымды айтсам, референдумның не екенін, оны өткізудің маңыздылығын енді ғана түсініп отырмын. Бүгін барлық спортшыларды жинап, бізге референдум бойынша ақпараттық-түсіндіру жұмысы жүргізілді. Құқықтық жүйенің басым көпшілігі өзгеріске ұшырайтынын айтып, оның пайдасы түсіндірілді. Бұл азаматтардың игілігі үшін жасалып жатқандықтан біз оған қатысуымыз керек деп түсіндім. Мемлекет басшысы Қасым-Жомарт Тоқаев әділетті қоғам құру бағытында жақсы бастамаларды қолға алып отырғанына көзім жетіп отыр. Ол халқымыздың бейбітшілік пен келісімде өмір сүруі үшін жағдай жасап жатыр деп ойлаймын. Сондықтан референдумға қатысып, өз дауысымды беремін! Себебі, мен Қазақстанның жарқын болашағына сенемін! »

#ReferendumAMANAT

- Жарнама -Newspaper WordPress Theme

Соңғы жаңалықтар

Жемқорлық тәуекелдерін ішкі талдау институты мемлекеттік органдар үшін «өзін-өзі тазартудың» пәрменді құралына айналуы тиіс – Антикор

Ақмола облысы әкімдігінің алаңында жергілікті атқарушы органдардағы сыбайлас жемқорлық тәуекелдерін ішкі талдау қорытындылары жария талқыланды. Кеңес барысында өңірдің Сыбайлас жемқорлыққа қарсы қызметі басшысының бірінші орынбасары...

1 мамыр — Қазақстан халқының бірлігі күні

Мемлекет басшысы Қасым-Жомарт Тоқаевтың Қазақстан халқының бірлігі күнімен құттықтауы Қадірлі отандастар! Қазақстан халқының бірлігі күні құтты болсын! Бұл – татулық пен тыныштықтың, тұрақтылық пен бейбітшіліктің символы саналатын...

Мемлекеттік қызмет істері агенттігінің Ақмола облысы бойынша департаментінің араласуынан кейін кәсіпкерге ғимаратын кеңейту үшін қосымша жер телімі берілді

Қазақстан Республикасы Мемлекеттік қызмет істері агенттігінің Ақмола облысы бойынша департаменті әкімшілік кедергілерге тап болған кәсіпкердің бұзылған құқықтарын қалпына келтірді. Осылайша, кәсіпкер С.  Көкшетау қаласының әкімдігіне...

Антикор волонтерлері Көкшетау қаласының №1 ХҚКО-да тегін кеңес береді

Құрметті Ақмола облысының тұрғындары мен қонақтары! А.ж. 25 сәуір күні сағат 10:00-ден 12:00-ге дейін Көкшетау қаласының №1 Халыққа қызмет көрсету орталығында (мекен-жайы: М.Әуезов көшесі, 189а) Pro bono сыбайлас...

Ақмола облысында әдеп жөніндегі уәкілдерге антикорновеллалар түсіндірілді

Облыс әкімдігінің алаңында өткен кездесуде жергілікті атқарушы органдардың әдеп жөніндегі уәкілдеріне Сыбайлас жемқорлыққа қарсы саясаттың 2022-2026 жылдарға арналған тұжырымдамасының басты ережелері түсіндірілді. Департаменттің превенция басқармасы...