Қазақстан Республикасы Мемлекеттік қызмет істері агенттігінің Ақмола облысы бойынша департаменті әкімшілік кедергілерге тап болған кәсіпкердің бұзылған құқықтарын қалпына келтірді.
Осылайша, кәсіпкер С. Көкшетау қаласының әкімдігіне қосымша ауданы 0,04 гектар жер телімін ұсыну туралы өтінішпен жүгінген. Алайда, мемлекеттік қызметті көрсету туралы өтініште нысаналы мақсаты дұрыс көрсетілмегендіктен, жергілікті атқарушы орган оған жер телімін беруден бас тартқан. Яғни, кәсіпкер өз өтінішінде бұрыннан бар ғимаратты кеңейту ниетін көрсетпей, қосымша жер сұраған.
Департамент шағымды қарау барысында анықтағандай, мемлекеттік органның «Республикалық маңызы бар қаланың, астананың, облыстық және аудандық маңызы бар қалалардың шегiнде жер учаскесiне құқықтарды сатып алу» мемлекеттiк қызметтерiн көрсету қағидаларына сәйкес тыңдау рәсімін тиісті түрде жүргізіп бас тартуға негіз болған ескертпелер мен себептерді жою тәртібін түсіндіруге мүмкіндігі болды.
Департамент шағымды қарау қорытындылары бойынша өтінішті қайта беру тәртібін егжей-тегжейлі түсіндіре отырып, көрсетілетін қызметті берушіге кәсіпкердің бұзылған құқықтарын қалпына келтіруге міндеттейтін шешім қабылдады.
Нәтижесінде Көкшетау қаласының әкімдігі кәсіпкерге ғимаратты кеңейту үшін қосымша жер телімін берді.
