Ағымдағы жылдың 30 мамырында Көкшетау қаласының полиция басқармасына Красный Яр кентінің тұрғынынан 2022 жылғы 25 мамырда таңғы сағат 08:30 шамасында үйден шығып, полицияға жүгінгенге дейін орналасқан орны белгісіз 1980 жылы туған әпкесін іздеуге көмек көрсету туралы өтініш келіп түсті.
Азаматша әпкесінің Көкшетау қаласына жұмысқа орналасу мақсатында кетіп, жоғалғанын, және әпкесінің ұялы телефоны жоқ екенін түсіндірді. Өтініш беруші әпкесінің үстінде қара түсті жемпір мен шалбар, аяғында кроссовка болғанын хабарлады.
Хабар-ошарсыз жоғалған адамның орналасқан орынын анықтау үшін полиция департаменті мен Көкшетау қаласы басқармасының жеке құрамы бағдарланды, әйелдің болуы мүмкін территориялар мен бағыттар, атап айтқанда, Уәлиханов, Болашақ, Красноярская, Целинная, Школьная және т.б. көшелердің мекен-жайлары тексерілді. Жоғалған әйелдің таныстарының шеңбері, сондай-ақ бейнебақылау камераларының жазбалары зерттелді.
Іздеу шараларына еріктілер қосылды. Бүгінгі күні жан-жақты жедел-іздестіру іс-шаралары жалғасуда.
Хабар-ошарсыз жоғалған адамның орналасқан орыны туралы қандай да бір ақпаратқа ие болғандардың барлығынан Көкшетау қаласының полиция басқармасына 29-96-00 телефоны немесе 102 арнайы телефоны арқылы хабарлауды сұраймыз.
