Сәйкес келмейтін ауа сынамалары облыстың екі өңірінде: Аршалы ауданында – 3 (шу, шаң), Көкшетау қаласында – 119 (шу, шаң, бензин, көміртегі оксиді, күкірт диоксиді, мұнай көмірсутегі) анықталды.
Жалпы облыста 1201 өнеркәсіптік нысан жұмыс істейді, оның 974-і эпидемиялық маңызға ие. Атмосфералық ауаға ұйымдастырылған шығарындылары бар 32 объект департаменттің және оның аумақтық басқармаларының ерекше бақылауында. Әрқайсысы бойынша елді мекендердің қоныстану аумағындағы маршруттық бекеттер бойынша ауа сапасына мониторинг және бақылау жүзеге асырылады.
Өңірде бар өнеркәсіп кәсіпорындарын ескере отырып, ағымдағы жылы санитариялық-қорғау аймақтарының шекарасында атмосфералық ауа сынамаларын іріктеудің бақылау нүктелеріне, проблемалық мәселелердің болуына, өтініштерді тіркеуге түзету жүргізілді, нәтижесінде 66 бақылау нүктесі анықталды.
Зертханалық зерттеулер мен аспаптық өлшеулер жоспарына сәйкес 2022 жылдың 8 айында жоспарланған 44406 сынаманың 11085-і зерттелді, оның ішінде 122 сынама шығарындылардың шекті рұқсат етілген концентрациясының артуын көрсетті, сәйкессіздіктің үлес салмағы 1,1%-ды құрады.
Сондай-ақ, коммуналдық объектілермен, оның ішінде елді мекендер шегіндегі қатты отынмен жағылатын қоғамдық моншалармен атмосфералық ауаның ластануына халықтан шағымдардың көбеюіне байланысты облыстың санитариялық қызметінің басшылығы қазандық ванналарынан түтін түрінде халыққа қолайсыздықтар туғызу ықтималдығы жоғары қоғамдық моншалар шекарасында атмосфералық ауаны ластайтын заттардың рұқсат етілген нормаларынан асуының болуына атмосфералық ауаны мониторингтеу туралы шешім қабылдады.
Коммуналдық объектілердің атмосфералық ауасын мониторингілеу аясында тамыз айынан бастап өңірде қоғамдық моншалардың тұрғын үйлерімен шекарадағы 4 бақылау нүктесінен 214 сынама зерттелді. Қазіргі уақытта нормадан асып кету анықталған жоқ.
