Қылмыскерлер азаматтарға қоңырау шалып, өздерін тергеуші немесе адвокат ретінде таныстырып, жақын туыстарының жол-көлік оқиғасы немесе басқа да құқық бұзушылық жасағанын хабарлайды. Әрі қарай, қылмыстық істі тоқтату және оларды жауапкершіліктен босату үшін белгілі бір ақша сомасын беруді ұсынады. Азаматтар белгісіз адамдардың шарттарымен келіседі және оларға ақша береді.
Мәселен, бұрын соттылығы бар Петропавл қаласының тұрғыны «Н.» басқа адаммен сөз байласу бойынша (оған қатысты жеке қылмыстық іс қозғалған) адамдар тобында бірқатар ауыр қылмыстар жасады.
Сот үкімімен «Н.» адамдар тобында бірнеше рет алаяқтық жасағаны үшін, сондай-ақ психотроптық затты ірі мөлшерде заңсыз сақтағаны үшін кінәлі деп танылды (ҚК-нің 190-бабының 3,4-бөліктері, 296-бабының 4-бөлігі). Оған 4 жыл бас бостандығынан айыру жазасы тағайындалды.
Сотта, «Н.» әлеуметтік желіде жұмыс іздеу мақсатымен, «Б.»-мен хат жазысып, оның заңсыз әрекеттерді орындау туралы ұсынысына сыйақы үшін келіскені анықталды.
«Б.» жалғызбасты зейнеткерлерге қоңырау шалып, өзін полиция қызметкері ретінде таныстырып, туыстарының жол-көлік оқиғасы туралы хабарлады және қылмыстық жауапкершілікке тартылмас үшін ақша сұрады.
«Н.» «Б.»-нің нұсқауы бойынша мекен-жайларға келіп, алданған азаматтардан ақша алып, бір бөлігін өзіне қалдырады, ал қалғанын «Б.»-нің банк картасына аударып отырды.
Олардың қылмыстық әрекеттерімен екі жәбірленушіге материалдық зиян келтірілді. Жәбірленушілер сотта азаматтық талап арыз берген жоқ.
Сонымен қатар, «Н.» ұсталған кезде оның қалтасынан психотроптық зат (мефедрон) табылды, ол оны сату мақсатынсыз заңсыз сақтаған.
Сотта «Н.» кінәсін толық мойындады.
Жаза тағайындауда, сот жеңілдететін жағдай ретінде оның шын жүректен өкінуін, ауырлататын мән-жай ретінде – соттылықтың бар екенін, одан қорытынды жасамай, түзелу жолына түспегенін есепке алды. Оның іс-әрекетінде қылмыстардың қайталануы танылды.
Сот үкімі заңды күшіне енген жоқ.
Ақмола облысы Көкшетау қалалық соты.
