ҚР АШМ АӨК МИК Көкшетау қалалық аумақтық инспекциясының карантиндік инспекторы Ресей Федерациясының Қорған облысынан автомобиль көлігімен келіп түскен көлемі 35 м3 «қарағайдың кесім материалы» карантинге жатқызылған өніміне карантиндік фитосанитариялық бақылау (қадағалау) жүргізу барысында «қарағайлық қара сүгені» қауіпті карантиндік объектісін анықтады.
2024 жылдың 3 шілдесінде жүргізілген сараптама қортытындысы бойынша анықталған нысан «қарағайлық қара сүгені» — карантиндік нысан екенін расталды.
Анықталған фитосанитариялық талаптарды бұзу нәтижесінде «Әкімшілік құқық бұзушылық туралы» ҚР Кодексінің 1-тармағының 2-бөлігінің 400-бабына сәйкес әкімшілік хаттама жасалды.
Сонымен қатар, карантиндік объектінің еркін таралуын болдырмау үшін нұсқама берілді, оның ұсынымдары бойынша 2024 жылғы 24 шілдеге дейін өнім иесі Қазақстанда рұқсат етілген инсектицидтерді қолдана отырып, залалданған ағаш материалдарын химиялық өңдеу бойынша іс-шара өткізуге және залалданған карантинге жатқызылған өнімді химиялық препараттармен зарарсыздандыру бойынша орындалған жұмыстар актісін ұсынуға міндетті.
Қарағайлық қара сүгені орман ағаштарының қауіпті зиянкесі. Зиян келтіретін қоңыздар мен дернәсілдері. Қоңыздар қарағайдың жас бұтақтарының қабығын жұлып алады, ал дернәсілдер қабықты, ағашты зақымдайды.
Зиянкестердің тіршілік әрекеті нәтижесінде ағаштар әлсіреп, кебеді. Ағаш техникалық қасиеттерін жоғалтады. Дернәсілдер дайын өңделмеген ағашты зақымдайды, оның техникалық жарамдылығын төмендетеді, орман шаруашылығына үлкен зиян келтіреді.