Ақмола облысы бойынша Сыбайлас жемқорлыққа қарсы іс-қимыл департаменті басшылығының және «Азаматтарға арналған үкімет» мемлекеттік корпорациясы» КЕ АҚ облыстық филиалы өкілдерінің қатысуымен онлайн режимінде сыбайлас жемқорлықтың себептері мен жағдайларын қарау және жою бойынша кездесу өтті.
Кездесуге қатысушыларға аудандық автоЦОНдардың бірінің лауазымды тұлғаларына, сондай-ақ облыс азаматына қатысты қылмыстық іс шеңберінде ҚР Қылмыстық-процестік кодексінің 200-бабы негізінде енгізілген ұсыну бойынша ақпарат жеткізілді.
Қылмыстық статистика көрсеткендей, 2018 жылдан бастап облыстық Антикор «Азаматтарға арналған үкімет» КЕ АҚ филиалы мен оның бөлімшелерінің қызметкерлеріне қатысты 17 қылмыстық істі тіркеді.
Қайта құқық бұзушылықтарға жол бермеу мақсатында өңірдің Сыбайлас жемқорлыққа қарсы ведомствосы ЖҚЕ білу емтихандарын тапсыру кезінде бақылауды күшейтуді, барлық құрылымдық бөлімшелердің тестілеу кабинеттерінің тексеру іс-шараларын ұйымдастыруды, бағынышты қызметкерлердің жұмысына тиісті бақылауды қамтамасыз етуді ұсынды.
Кездесу барысында қатысушыларға сыбайлас жемқорлыққа қарсы іс-қимыл мәселелері бойынша заңнамадағы соңғы өзгерістер түсіндірілді. Атап айтқанда, жаңа түзетулерге сәйкес сыбайлас жемқорлық субъектілері болып табылатын квазимемлекеттік сектор лауазымды тұлғаларының шеңбері кеңейтілді, квазимемлекеттік сектор ұйымдарында сыбайлас жемқорлыққа қарсы комплаенс-қызметтер институты құрылды, сыбайлас жемқорлық үшін сотталған адамдарды кез келген квазимемлекеттік сектор лауазымына қабылдауға толық тыйым салынды.
Департамент басшылығы мемлекеттік қызметтердің сапасын қамтамасыз ету Сыбайлас жемқорлыққа қарсы стратегияның мақсаттарының бірі болып табылатынын атап өтті.
Cондықтан филиал басшылығы қызметкерлердің мемлекеттік қызмет көрсету саласындағы заңнама нормаларын сақтауын бақылауды қатаңдату, сондай-ақ мамандандырылған ХҚКО қызметінің айқындығы мен ашықтығын арттыру қажет.
