Сәрсенбі, Шілде 24, 2024
18.2 C
Kokshetau
27 C
Nur-Sultan
32 C
Almaty
ЖаңалықтарҚоғамАқмола облысында 1 дәптерді 95 мың теңгеге сатып алмақшы болған

Ақмола облысында 1 дәптерді 95 мың теңгеге сатып алмақшы болған

Ақмола облысы бойынша Сыбайлас жемқорлыққа қарсы іс-қимыл департаментінің басшысы Арман Рахимов онлайн-брифинг барысында бағаны көтеру және бюджет қаражатын мақсатсыз пайдалануды болдырмау фактілерін анықтау мақсатында мемлекеттік сатып алу мониторингінің нәтижелері туралы айтып берді.

«Мемлекеттік сатып алу саласы сыбайлас жемқорлық іс-әрекеттерін жасау үшін қолайлы орта болып табылатыны ешкімге құпия емес, жыл сайын осы салада мыңдаған заң бұзушылықтар анықталады. Осыған орай, Сыбайлас жемқорлық тәуекелдерінің алдын алу үшін Департамент «сатып алудың бірыңғай терезесі» порталы арқылы мемлекеттік сатып алуларға мониторинг жүргізеді, оның қорытындысы бойынша мемлекеттік органдар мен ұйымдарға тиісті ұсынымдар жолданады», – деді Арман Рахимов.

Осылайша, жыл басынан бері мониторинг шеңберінде Департамент енгізген ұсынымдардан кейін сатып алуға жоспарланған тауарларға, жұмыстарға және қызметтерге жоғары бағаларды төмендету арқылы 1 миллиард теңгеден астам қаражат үнемделді.

Мысалы, Ақмола облысындағы аудандық білім беру мекемесі 14 250 000 теңгеге немесе бір данасын 95 мың теңгеге дәптер сатып алуды жоспарлаған. Ал 1 дәптердің орташа нарықтық бағасы – 60 теңге. Департаменттің уақтылы араласуының арқасында сатып алу тоқтатылды және бюджет қаражаты үнемделді. Мекеменің түсіндіруі бойынша, дәптерлердің бағасының белгіленген бағадан жоғары болуына бағдарлама әкімшісі мемлекеттік сатып алу порталында ақпаратты толтыру кезінде жіберген қателігі себеп болған.

Сондай-ақ, «Еңбек – Көкшетау» ШЖҚ РМК филиалы мемлекеттік сатып алу арқылы жалпы сомасы 6 миллион теңгеге немесе 1 кг үшін 200 теңгеге сұлы сатып алмақшы болған. Ал сұлының нарықтық бағасы-90 теңгені құрайды. Осылайша Департаменттің уақтылы араласуының арқасында мемлекеттік сатып алуда ұсынылған баға төмендетіліп, 3 миллион теңгеден астам қаржы үнемделді.

Осы ретте, Сыбайлас жемқорлыққа қарсы өңірлік қызметтің басшысы ақмолалықтарды бюджет қаражатының жұмсалуын қоғамдық бақылау аясында белсенді азаматтық ұстаным танытуға шақырады.

- Жарнама -Newspaper WordPress Theme

Соңғы жаңалықтар

Жарқайың ауданының әкіміне қатаң сөгіс жарияланды

Жарқайың ауданының әкімі Жанболат Хамитовке Ақмола облысының әкімі Марат Ахметжановтың су тасқынының салдарын жою жөніндегі бірқатар тапсырмаларын тиісінше орындамағаны үшін қатаң сөгіс жарияланды. Жарқайың ауданының...

Қала көшелерінде егеуқұйрық және антисанитария: Ерейментау ауданының әкімі қатаң сөгіс алды

«Ерейментау ауданының әкімі Нұрлан Мұқатовқа қоқыс шығару бойынша жұмыстың тиісті деңгейінде жүргізілмегені үшін қатаң сөгіс жарияланды», - деп хабарлайды Ақмола облысы әкімдігінің баспасөз қызметінен. Аудан...

Ақмола облысында көпбалалы аналардан МӘМС жарналарын негізсіз ұстау дерегі анықталды

Ақмола облысының прокуратурасы әлеуметтік медициналық сақтандыру саласындағы жеңілдетілген санаттағы азаматтардың құқықтарын қорғады. Ақмола облысының прокуратурасы міндетті әлеуметтік медициналық сақтандыру (бұдан әрі - МӘМС) саласындағы заңдылықтың...

Ақмола облысында АН-2 ұшағы апатқа ұшырады

Бүгін Державинск қаласынан 10 шақырым жерде АН-2 ұшағының өртенуі орын алды. Қайтыс болғандар мен зардап шеккендер жоқ. Ұшқыш жанып жатқан техникадан өздігінен эвакуацияланды. Шақырылған сәттен бастап...

Мемлекеттік орган басшысын тағайындау барысында біліктілік талаптарына сәйкестігін қадағалау маңызды

ҚР Мемлекеттік қызмет істері агенттігінің Ақмола облысы бойынша департаментімен «Қадамдық жоспардың» 1-тармағын орындау мақсатында, мемлекеттік орган басшылығын лауазымға тағайындау барысында біліктілік талаптарына сәйкестігін қадағалау...