Сәрсенбі, Маусым 19, 2024
14.2 C
Kokshetau
14 C
Nur-Sultan
19 C
Almaty
ЖаңалықтарЖемқорлықАқмола облысында 300-ге жуық азамат тегін құқықтық кеңес алды

Ақмола облысында 300-ге жуық азамат тегін құқықтық кеңес алды

Ақмола облысында «Халық заңгері» республикалық акциясы өтті.

Акция құқықтық сауаттылықты арттыруға және азаматтарға, әсіресе халықтың әлеуметтік осал топтарына тегін құқықтық көмек көрсетуге бағытталған.

Акция барысында өңір тұрғындары мен қонақтары 250-ден астам адвокаттардан, заң кеңесшілерінен, нотариустардан, сот орындаушыларынан және мемлекеттік органдардың басшыларынан тегін құқықтық көмек пен кеңес алды.

Тұрғындардан қылмыстық, азаматтық, әкімшілік заңнама, жер, еңбек және әлеуметтік қатынастар, ТКШ, құрылыс және басқа да мәселелер бойынша барлығы 300-ге жуық өтініш келіп түсті.

«Бүгін мен сұрағыммен білікті заңгерге жүгініп, қажетті көмек алдым. Менің ойымша, акция адамдар үшін өте пайдалы, себебі көптеген азаматтар кез-келген жағдайда қайда жүгіну керектігін білмейді, ал бұл жерде құқықтық сарапшылар мен мемлекеттік органдардың басшыларынан тегін көмек алу мүмкіндігі бар»,-деп Көкшетау тұрғыны өз әсерімен бөлісті.

Акция барысында Сыбайлас жемқорлыққа қарсы іс-қимыл департаменті басшысының бірінші орынбасары Айдос Жақиялин атап өткендей, «Халық заңгері» жыл сайын табысты өткізіліп келеді және осы уақыт ішінде акция халық арасында өзінің сұранысын көрсетті. Өйткені, азаматтар кабинеттерде жүгірудің қажеті жоқ, консультацияларды бірден бірнеше маманнан алуға болады. Жалпы, акция заңдылықты сақтау, азаматтардың құқықтары мен бостандықтарын құрметтеу басымдыққа айналуы тиіс құқықтық демократиялық мемлекеттің дамуына жәрдемдесуге арналған.

Акция бір мезгілде еліміздің барлық ірі қалалары мен негізгі елді мекендерінде өтті. Ақмола өңірінде облыс орталығынан басқа, акцияға қалалар мен аудандар да қосылды. Ағымдағы жылы іс-шараны Әділет министрлігі Сыбайлас жемқорлыққа қарсы қызметпен және ЖАО-мен бірлесіп «Параграф» АЖ және Zakon.kz желілік басылымының көмегімен ұйымдастырды

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...