Ақмола облысы бойынша Сыбайлас жемқорлыққа қарсы іс-қимыл департаментінің және агроөнеркәсіптік кешендегі облыстық аумақтық инспекцияның, сондай-ақ оның аумақтық бөлімшелерінің басшылығы онлайн-кездесуде сыбайлас жемқорлықтың себептері мен жағдайларын талқылады.

Мемлекеттік қызметшілердің назарына пара алу және алаяқтық фактілері бойынша қалалық инспекцияның лауазымды тұлғаларына қатысты қылмыстық іс шеңберінде ҚР ҚПК 200-бабының тәртібімен енгізілген ұсыныс бойынша ақпарат жеткізілді.

Талдау көрсеткендей, құқық бұзушылықтың мән-жайлары басшылық тарапынан бағыныштыларға тиісті бақылаудың болмауы, инспекторлардың функционалдық міндеттерінің тиісінше орындалмауы және сыбайлас жемқорлыққа қарсы заңнаманың мен өсімдіктер карантині саласындағы басқа да нормативтік-құқықтық актілердің талаптарын өрескел бұзуы болды.

Кездесу барысында өңірлік Сыбайлас жемқорлыққа қарсы қызмет басшысы Арман Рахимов қатысушыларға сыбайлас жемқорлыққа қарсы іс-қимыл саласындағы өзекті заңнамалық нормаларды, оның ішінде сыбайлас жемқорлық үшін жеке жауапкершілікті күшейтуге, сыбайлас жемқорлық фактілері туралы хабарлағаны үшін адамдарды көтермелеу жүйесіне қатысты өзгерістерді түсіндірді.

«Ақмола облысы мемлекеттің негізгі аграрлық-өнеркәсіптік өңірлерінің бірі болып табылады, бұл, әрине, осы салада сыбайлас жемқорлық тәуекелдерінің туындауына әсер етеді. Тек соңғы жылдары ғана АӨК саласында сыбайлас жемқорлық қылмыстарының бірқатар фактілері анықталды. Осы тұрғыда, аумақтық инспекция бақылау функцияларын жүзеге асыратынын ескере отырып, мемлекеттік билік институттарының беделін арттыру үшін мемлекеттік қызметшілердің халық алдындағы жауапкершілік дәрежесін түсіну қажет. Инспекторлар қоғам тарапынан сын мен сенімсіздік білдіру үшін қандай да бір себеп бермеуі тиіс, сондықтан, қайталанатын жағдайлардың алдын алу үшін басшылық тиімді алдын алу шараларын қабылдауы қажет», – деп атап өтті Арман Рахимов.