Сәрсенбі, Маусым 19, 2024
13.2 C
Kokshetau
15 C
Nur-Sultan
20 C
Almaty
ЖаңалықтарЭкономикаАқмола облысында АӨК субсидиялау саласын дамытудың негізгі үрдістері тікелей эфирде талқыланды

Ақмола облысында АӨК субсидиялау саласын дамытудың негізгі үрдістері тікелей эфирде талқыланды

«Antikor.Live» жобасы аясында Ақмола облысы бойынша Сыбайлас жемқорлыққа қарсы іс-қимыл департаментінің әлеуметтік желілердегі кезекті тікелей эфирінде «Қоғамдық келісім» мекемесінің басшысы, ауыл шаруашылығын субсидиялау саласында кешенді талдау жүргізу жөніндегі өңірлік жұмыс тобының өкілі Ермек Нұғманов ауыл шаруашылығын дамытудың негізгі үрдістері туралы өз пікірімен бөлісті.

Мемлекет басшысының тапсырмасы бойынша Сыбайлас жемқорлыққа қарсы қызмет агроөнеркәсіптік кешендегі субсидиялау саласын ауқымды талдау жүргізуді бастайтыны белгілі, оның мақсаты – субсидиялар берудің ашық жүйесін қамтамасыз ету. Осыған байланысты Агенттік барлық мүдделі азаматтарды ынтымақтастыққа және қатысуға шақырады.

Тікелей эфир барысында бұрын бірнеше аудан әкімі қызметін атқарған және ауыл шаруашылығы саласында жұмыс істеген Ермек Нұғманов субсидиялардың қағидалары мен талаптарына қатысты айтып, бағаны тұрақтандыру мәселесіне тоқталды.

Бұрынғы совхоздардың, ұжымдық ұйымдардың орнына шаруа қожалықтары мен серіктестіктер пайда болғанын айта келе, спикер қазір ауыл шаруашылығы алқаптарын, мал шаруашылығын, көкөніс шаруашылығын дамытуға көп көңіл бөлу қажеттігін атап өтті. Сонымен қатар, ол ауыл шаруашылығы саласындағы кемшіліктер мен қол жеткізілген нәтижелерді белгілей отырып, бүгінгі таңда бөлінген субсидиялар бойынша ауқымды сараптама жүргізу қажеттігін қолдады.

Спикердің пікірінше, ауыл шаруашылығы тауарын өндірушілер зардап шекпеуі үшін субсидия беру ережелерін анықтайтын нақты шарттарды белгілеу қажет. Сондай-ақ, мал шаруашылығында субсидия алу талаптарын да қайта қарау қажет.

Ермек Нұғыманов атап өткендей, қазір мемлекет ауыл шаруашылығының арнайы институттарын, қаржылық қолдау қорларын құруға ерекше көңіл бөледі, соның арқасында аграрлық сектор заманауи жабдықтармен жарақтандырылады. Мал шаруашылығы саласында «Сыбаға», «Алтын асық» мемлекеттік бағдарламалары жүзеге асырылуда.

Сонымен қатар, спикер соңғы бірнеше жылда көптеген өзгерістер болғанын атап өтті. Субсидия беру мемлекеттік қызметтердің бір түрі болды. Оның өз регламенттер мен ережелері бар. Қазір азаматтар субсидияларды электронды форматта алады. Сондықтан, цифрлық технологиялардың арқасында сыбайлас жемқорлық тәуекелдері төмендейді. Ең бастысы, ережелерде жиі өзгерістер болмауы қерек, осы орайда, тәуекелдерді талдау өте орынды.

Ақмола облысының Сыбайлас жемқорлыққа қарсы қызметі АӨК-де субсидиялау саласында азаматтардың пікірлері мен ұсыныстарын алу үшін taldau@antikor.gov.kz электрондық поштасы, сондай-ақ +7 778 668 99 20 WhatsApp нөмірі жұмыс істейтінін еске салады.

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...