Сейсенбі, Мамыр 28, 2024
11.2 C
Kokshetau
7 C
Nur-Sultan
22 C
Almaty
ЖаңалықтарӨңірлерСтепногорскАқмола облысында ауылдық «Сервистік әкімдік» жұмыс істей бастады

Ақмола облысында ауылдық «Сервистік әкімдік» жұмыс істей бастады

Степногорск қаласының Ақсу кентінде «Сервистік әкімдік» ашылды. Іс-шара Ақмола облысы бойынша Сыбайлас жемқорлыққа қарсы іс-қимыл департаменті басшысының бірінші орынбасары Арман Бердалин мен қала әкімі Еркебұлан Баяхметовтың қатысуымен өтті.

Өңірдің әрбір тұрғынының қызмет алуға қолжетімділігін қамтамасыз ету мақсатында мемлекеттік органдар жұмысының «сервистік» моделі қалалар мен аудандарда ғана емес, облыстың ауылдық округтерінде де енгізілуде.

Ауылдық «Сервистік әкімдікте» азаматтардың мемлекеттік қызметтерді және түрлі мамандардың кеңестерін ыңғайлы алуы үшін барлық қажетті жағдайлар көзделген.

Е-gov порталында қолжетімді қызметтерді алу кезінде ауыл тұрғындарына өзіне-өзі қызмет көрсету бұрышы ашылды, ыңғайлы күту залы бар, ақпараттық стендтер орналастырылған. Мүмкіндігі шектеулі азаматтар да назардан тыс қалмайды, олар үшін де қолайлы жағдай жасалған.

Айта кетейік, халыққа қолжетімді болу мақсатында Ақсу кенті әкімінің кабинеті әкімдік ғимаратының бірінші қабатында орналасқан. Жақын жерде азаматтарды жеке қабылдау үшін Open Space форматындағы кабинет орналасқан.

Жалпы облыс бойынша қалалар мен аудандарда, сондай-ақ Красный Яр ауылында 20 «Сервистік әкімдік» жұмыс істейді.

Сондай-ақ, өңірлік сыбайлас жемқорлыққа қарсы ведомство басшылығы қалалық әкімдіктің дербес бөлімдерінің басшыларымен сыбайлас жемқорлыққа қарсы іс-қимыл мәселелері бойынша заңнамаға новеллаларды және ӘҚБтК-ге сыбайлас жемқорлыққа қарсы түзетулерді түсіндіру бойынша кеңес өткізді.

Сонымен қатар, жұмыс сапары барысында Арман Бердалин «Қазақстанның жылыжай технологиялары» кәсіпорнында болды. Департамент осы ұйыммен «Бизнес пен инвестицияларды қорғау» жобасы аясында сыбайлас жемқорлыққа қарсы келісімге қол қойды. Бұл жылыжай кешені көкөністер мен тұқымдар, гүлдер өсірумен айналысады.

- Жарнама -Newspaper WordPress Theme

Соңғы жаңалықтар

Jeti Qazyna зияткерлік ойыны мүмкіндігі шектеулі жандарды қолдау мен дамытуға бағытталған

Әсет Сағынайұлы Байжолов - әлеуметтік кәсіпкер, оның қызметі мүмкіндігі шектеулі жандарды қолдау мен дамытуға бағытталған. Көкшетау қаласында 2023 жылдың қыркүйегінен бастап Jeti Qazyna зияткерлік ойыны...

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...