Ағымдағы жылдың 12 қазанында кешкі сағат 21.00 шамасында Атбасар ауданының полиция бөліміне қала дәмханаларының бірінде бұзақылық фактісі туралы хабарлама келіп түсті.

Оқиға орнына келген полиция қызметкерлері мекемеге келушілердің бірі қатты мас күйінде өзін агрессивті ұстағаны, дәмхананың басқа клиенттеріне құрметсіздік көрсеткені, балағат сөздер айтқаны, даяшымен жанжалдасқаны және мекемеге тиесілі ыдыстарды сындырғаны анықталды. Залал сомасы белгіленуде.

Жазаның бұлтартпастығы қағидатын қамтамасыз ету мақсатында тәртіп сақшылары ер адамды ұстап алып, полиция бөліміне жеткізді. Құқық бұзушы 1991 ж. т. жергілікті тұрғын ретінде анықталды, медициналық куәландыру қорытындысына сәйкес, ер адам қатты мас болған.

Полиция бөлімі осы фактіге қатысты ҚР ҚК 293-бабының 1-бөлігі «Бұзақылық» бойынша сотқа дейінгі тергеп-тексеруді бастады.

Естеріңізге сала кетейік, осы баптың санкциясымен бұзақылық, яғни бөтеннің мүлкін жою немесе бүлдіру арқылы көрінетін қоғамдық тәртіпті бұзу – 2 мың АЕК мөлшерінде айыппұл салуға не түзеу жұмыстарымен, не 2 жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.