Бұған дейін Степногорск қаласының полиция басқармасында 26 жастағы жігітке қатысты 2021 жылы басталған ҚР ҚК 107-бабы «Денсаулыққа қасақана ауырлығы орташа зиян келтіру» бойынша қылмыстық ісі амнистиямен тоқтатылған болатын. 2022 жылдың соңында жігіт шекарадан өтуге рұқсат алып, елден кетіп қалған.

Алайда, ағымдағы жылдың мамыр айында жәбірленуші ескі факт бойынша полиция бөліміне арыз жазып, полицейлер оны мемлекетаралық іздеуде деп жариялады.

Нәтижесінде 29 жастағы ер адамды полиция қызметкерлері Ресей Федерациясының аумағының Мәскеу қаласында анықтады. Көрші елдегі әріптестер одан ешқайда кетпеуі туралы қолхат алды. Күдікті келген соң тергеу әрекеттері жалғасады.