Мағжан Жұмабаев атындағы Ақмола облыстық әмбебап ғылыми кітапханасының «Парасат жолы» орталығының алаңында мәдениет саласы қызметкерлері арасында сыбайлас жемқорлыққа қарсы мәдениетті қалыптастыру бойынша кездесу өтті.
Кездесу барысында Сыбайлас жемқорлыққа қарсы іс-қимыл аумақтық департаментінің қызметкері Ерсұлтан Меңлібай алдағы 5 жылға арналған Сыбайлас жемқорлыққа қарсы саясат тұжырымдамасында белгіленген сыбайлас жемқорлыққа қарсы қызметті дамытудың негізгі қағидаттары мен тәсілдерін егжей-тегжейлі түсіндірді.
Сыбайлас жемқорлыққа қарсы іс-қимыл жөніндегі стратегиялық құжатта парасатты қоғам қалыптастыру, сыбайлас жемқорлық мүмкіндіктерін жою, сыбайлас жемқорлық үшін жауапкершіліктің бұлтартпастығын қамтамасыз ету, сыбайлас жемқорлыққа қарсы іс-қимылда азаматтық қоғамның рөлін күшейту, сыбайлас жемқорлыққа қарсы шаралардың іске асырылуына тиімді мониторингті қамтамасыз ету мәселелері, сондай-ақ Антикор қызметін жетілдіру мәселелері көрсетілген.
Спикер қаржы тергеулерін енгізу, «integrity check» институтына және мемлекеттік қызметшілердің шығыстарының олардың кірістеріне сәйкестігін тексеру бастамаларына ерекше назар аударды.
Сонымен қатар, облыстық кітапхана қызметкерлеріне сыбайлас жемқорлық құқық бұзушылықтары туралы хабарлағаны үшін сараланған сыйақы жүйесі туралы ақпарат беріліп, ең жоғары төлем 12 млн теңгеден асуы мүмкін екенін атап өтті.
Кездесу соңында қатысушылар адалдық және парасаттылық қағидаттарын сақтауға, сондай-ақ қоғамда ұлттық мәдениет пен руханият құндылықтарын ілгерілетуге шақырылды.
