Сейсенбі, Мамыр 28, 2024
11.2 C
Kokshetau
7 C
Nur-Sultan
22 C
Almaty
ЖаңалықтарЭкономикаАқмола облысында мемлекеттік мекеме велосипедтерді көтеріңкі бағамен сатып алмақшы болған

Ақмола облысында мемлекеттік мекеме велосипедтерді көтеріңкі бағамен сатып алмақшы болған

Бюджет қаражатының мақсатты және тиімді пайдаланылуын бақылау шеңберінде ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаменті «Бірыңғай сатып алу терезесі» ақпараттық-талдау жүйесі арқылы мемлекеттік сатып алуға мониторинг жүргізді.

Талдау барысында сатып алу бағасының медиандық бағадан асып кету фактілері анықталды, олар бойынша тапсырыс берушілердің атына мемлекеттік органдар мен квазимемлекеттік сектор жоспарлаған тауарларға, жұмыстар мен қызметтерге оңтайлы бағаларды қайта қарау және белгілеу ұсыныстарымен тиісті хаттар жолданды.

Мәселен, Степногорск қаласының Тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің жанындағы «Степногорск-водоканал» кәсіпорны сумен жабдықтау үшін полиэтилен құбырының құнын төмендету жолымен 5 502 336 теңге үнемдеді. Оны сатып алу бастапқыда жалпы сомасы 28 800 000 теңгеден немесе бір данасы үшін 30 000 теңгеден жоспарланған болатын.

Сондай-ақ, Орман шаруашылығы және жануарлар дүниесі комитетінің «Көкшетау» мемлекеттік ұлттық табиғи паркі велосипедтерді жалпы сомасы 1 936 407 теңгеге немесе бір бірлігі үшін 387 281 теңгеге сатып алуды жоспарлаған, ал орташа нарықтық бағасы 107 000 теңгені құрайды. Департамент қызметкерлерінің ұсыныстарынан кейін ұйым мемлекеттік сатып алу бағасын төмендетті. Тауарды сатып алуға жоспарланған шығындардың үнемделуі шамамен 972 120 теңгені құрады. Сонымен қатар, мониторингтің арқасында мекеме үнемделген бюджет қаражатына қосымша велосипедтер сатып алуды жоспарлап отыр.

Айта кетейік, Мемлекет басшысы өз Жолдауында барлық реттелетін сатып алулар барынша ашық және тек қана Сатып алудың бірыңғай терезесі арқылы жүзеге асырылуға тиіс екенін атап өтті. Осы тапсырма шеңберінде мемлекеттік бюджетті тиімсіз пайдалануды болдырмау мақсатында Департамент сатып алуды жоспарлау сатысында сыбайлас жемқорлық тәуекелдерін анықтайтын және бюджет қаражатын үнемдеуге мүмкіндік беретін осы жүйе арқылы мемлекеттік сатып алуға мониторинг жүргізеді. Бүгінгі таңда енгізілген ұсыныстардан кейін сатып алуға жоспарланған сатып алулардың жоғары бағаларын төмендету арқылы 225 миллионға жуық теңге үнемделді.

Ақмола облысы бойынша Сыбайлас жемқорлыққа қарсы іс-қимыл департаментінің баспасөз қызметі.

- Жарнама -Newspaper WordPress Theme

Соңғы жаңалықтар

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...

Жолшылар Көкшетау қаласының мектеп түлектерімен кездесті

Жолшылар Көкшетау қаласының мектептерінің түлектерімен кездесті. Жол активтерінің Ұлттық сапа Орталығының Ақмола облысы бойынша филиалы ұжымы арнайы мектепке барып, кәсіби-бағдар беру дәрісін өткізді. Кездесуге...