Сейсенбі, Мамыр 28, 2024
8.2 C
Kokshetau
7 C
Nur-Sultan
22 C
Almaty
ЖаңалықтарЭкономикаАқмола облысында МЖӘ шеңберінде 81 жоба жүзеге асырылуда

Ақмола облысында МЖӘ шеңберінде 81 жоба жүзеге асырылуда

Ақмола облыстық ішкі саясат басқармасының мәліметінше, бүгінгі таңда облысымызда экономиканың алты саласы бойынша мемлекеттік жекешелік әріптестік шеңберінде 81 жоба іске қосылған. Оның ішінде басым көпшілігі білім беру және денсаулық сақтау саласы бойынша. Осы ретте, жеке инвестициялардың негізгі үлесі білім беру саласына тиесілі – 64 жоба.

Қазіргі кезде сенімгерлік басқаруға 45 нысан – сегіз балабақша мен 37 мектеп асханасы берілді. Жеке қаржылық бастама аясында бес балабақша ашылды. 12 мектеп асханасын сенімгерлік басқаруға беру және екі мектеп салу бойынша 14 жоба жоспарлау сатысында тұр.

Денсаулық сақтау сияқты маңызды салада жеті жоба жүзеге асырылуда. Бурабай ауданының аудандық ауруханасы мен емханасы және Степногорск мен Көкшетау қалаларының емханалары сенімгерлік басқаруға берілді.

Көлік саласында құны 4,5 миллиард теңге болатын төрт жоба бойынша 1,3 миллиард теңге сомаға мемлекеттік міндеттемелерді қабылдаумен шарттар жасалды. Инвестициялар арқасында «Көкшетау автобус паркі» ЖШС 74 жаңа жайлы автобус және «Сейнур» фирмасы» ЖШС 20 автобус сатып алды.

Тұрғын үй құрылысы саласында облыс орталығына жақын орналасқан Краснояр ауылындағы 32 пәтерлі тұрғын үйлерді қалпына келтіру бойынша үш жоба жүзеге асырылды. Құрылыстар қалпына келтірілді, пәтерлердің бір бөлігі әкімдікке берілді, бір бөлігі инвесторлар сатты.

Табиғатты қорғау саласында Атбасар ауданының Сепе ауылындағы бөгетті одан әрі пайдаланумен күрделі жөндеу жұмыстарын жүргізуге шарт жасалды. Енді бөгетті пайдалану, оны тиісті жағдайда ұстап отыру кәсіпкерге жүктеледі. Жазда тұрғындар бақшаларды суару, малға күтім жасау үшін суды тегін алады, балық аулайды, енді үйлерін су басу қаупі жоқ.

«Жобалар өте маңызды, олар түрлі салаларда жасалған. Басқа салаларда жасалатын жобаларға қатысты міндетті түрде «мемлекеттік міндеттемелерді қабылдаумен» деген сөз тіркесі болады. Солай болуы керек. Мемлекет пен бизнестің жауапкершілігі ынтымақты, шарт талаптарының сақталуы қатаң бақылануы тиіс», – дейді облыстьық экономика және бюджеттік жоспарлау басқармасының мамандары.

- Жарнама -Newspaper WordPress Theme

Соңғы жаңалықтар

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...

Жолшылар Көкшетау қаласының мектеп түлектерімен кездесті

Жолшылар Көкшетау қаласының мектептерінің түлектерімен кездесті. Жол активтерінің Ұлттық сапа Орталығының Ақмола облысы бойынша филиалы ұжымы арнайы мектепке барып, кәсіби-бағдар беру дәрісін өткізді. Кездесуге...