Сейсенбі, Наурыз 19, 2024
-0.9 C
Kokshetau
1 C
Nur-Sultan
16 C
Almaty
ЖаңалықтарӨңірлерКөкшетауАқмола облысында Наурыз мейрамы тойлануда

Ақмола облысында Наурыз мейрамы тойлануда

Бүгін Көкшетауда Наурыз мейрамы өтуде. Мерекелік іс-шаралар бүкіл облыс бойынша ұйымдастырылған. Көкшетауда “Абылай хан” және “Тәуелсіздік” алаңдарында мерекелер өтуде, деп хабарлайды өңір әкімдігінің баспасөз қызметі.

Өңірдің басты мерекесі жыл мезгілдерін, «Көрісу», «Беташар» ұлттық рәсімдерді бейнелейтін, сонымен қатар «Көкше өңірі сал серілері», «Құт дарған киелі мекен» қойылымдары бар “Ұлы даланың ұлық мерекесі” театрлық көрілімнің 10 эпизодынан басталды.

Облыс әкімі Ермек Маржықпаев құттықтау сөзінде ежелден табиғаттың оянуы, оның жаңаруы мен гүлденуі Наурызбен байланысты екенін атап өтті.

“Ғасырлар тарихына қарамастан, Наурыз мейрамы халық жадында сақталып, мемлекетіміздің көптен күткен Тәуелсіздігімен бірге елімізге оралды. Бүгін оны 32-ші рет атап өтіп, біз қайта жанданған Наурыздың тарихы – еліміздің тәуелсіздігінің тарихы деп сенімді түрде айта аламыз”, – деп атап өтті өңір басшысы.

Көшпелі өркениет фестивалі аясында алаңның периметрі бойынша тақырыптық «Көне дәуір мәдениеті», «Былғары мен тері», «Құрақ-көрпе», «Күміс әшекейлер», «Ұлттық киімдер», «Ұлттық бұйымдар», «Ұлттық өнер», «Салт-дәстүрлер», «Ұлттық құндылықтар» және кітап – 10 киіз үй қалашығы орналасқан. Фестивальдің идеясы -түркілердің бай мәдениетін, халықтың бай тарихын көрсету, өскелең ұрпаққа салт-дәстүрлер мен әдет-ғұрыпты дәріптеу, Қазақстандық патриотизмді қалыптастыру.

Олардың әрқайсысында қала тұрғындары мен қонақтары ұлттық бұйымдардан жасалған көрмелерді көріп, ұлттық тағамдардан дәм тата алды.

Мереке Қ. Күмісбеков атындағы халық аспаптар оркестрінің, Үкілі Ыбырай атындағы Ақмола облыстық филармониясының, “Көкшетау”, “Достар” мәдениет сарайлары ұжымдарының концерттік бағдарламасымен жалғасты.

Сонымен қатар, “Тәуелсіздік” алаңында қазақша күрес, тоғызқұмалақ, арқан тарту, қаппен жүгіру және тағы басқа ұлттық ойындары ұйымдастырылған “Батырлар шайқасы” спорттық іс-шарасы өткізілді.

Мерекелік іс-шара аясында қонақтарға наурыз көже, құрт, бауырсақ, сондай-ақ 1000-нан астам қызғалдақ таратылды.

“Жайлау”, “Сарыарқа”, “Бірлік”, “Автогородок” шағын аудандарының тұрғындарына «Наурыз мейрамы – Ұлы даланың ұлағаты» көшпелі концерттік бағдарламалар ұйымдастырылды.

- Жарнама -Newspaper WordPress Theme

Соңғы жаңалықтар

Мәңгі естелік….

2024 жылдың 18 ақпанында қоғам қайраткері, орман шаруашылығы саласының ардагері, Сандықтау ауданының Құрметті азаматы Сабыржанов Шыңғожа Сабыржанұлы өмірден озды. Шыңғожа Сабыржанұлы дарынды басшы, білікті орманшы,...

Арқадағы Амал мерекесі: қызылжарлық өнерпаздар ақмолалық әріптестерімен көрісті

Көкшетауда Амал мерекесіне орай Ақмола және Солтүстік Қазақстан облыстарының мәдениет саласы өкілдерінің «Наурызнама бастауы – көрісу күні» атты мерекелік шарасы өтті, деп хабарлайды Kazinform. 14...

«Creative Open-space Nauryz» жобасының салтанатты ашылуы өтті

«Наурыз – халқымыздың нағыз рухани және еңбек мерекесі. Бұл күн ежелден-ақ ынтымақ пен ырыс мейрамы. Наурыз – жаңару мен жаңғырудың символына айналуы тиіс», деп...

Президент Қазақстан халқын Амал күнімен құттықтады

Мемлекет басшысы Қасым-Жомарт Тоқаев Қазақстан халқын Амал күнімен құттықтады, деп хабарлайды Kazinform. «Әз-Наурыздың бастауы – Амал күні құтты болсын! Бұл – халқымыздың ежелгі әдет-ғұрпын жаңғыртып,...

Ақмола облысында Ұлы мереке – Наурыз мейрамы жаңаша, ерекше нақышта тойланады

Наурыз мейрамын тойлаудың жаңа тұжырымдамасына сәйкес, 14-23 наурыз аралығында өткізілетін Наурызнама онкүндігі аясында әр күн белгілі бір тақырыпқа арналады. 14 наурыз – «Көрісу күні» («Амал»...