Дүйсенбі, Маусым 17, 2024
23.2 C
Kokshetau
28 C
Nur-Sultan
30 C
Almaty
ЖаңалықтарҚоғамАқмола облысының сыбайлас жемқорлыққа қарсы қызметі 5 әкімшілік іс қозғады

Ақмола облысының сыбайлас жемқорлыққа қарсы қызметі 5 әкімшілік іс қозғады

ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаментінің басшысы Арман Рахимов Аntikor орталығы алаңында өткен онлайн-брифинг барысында а.ж. 9 айындағы әкімшілік тәжірибенің қорытындыларымен бөлісті.

Спикердің ақпараты бойынша, бүгінгі таңда өңірдің Сыбайлас жемқорлыққа қарсы қызметі 5 әкімшілік іс қозғады, олар бойынша 740 мың теңгеге жуық сомаға айыппұл салынды, айыппұлдар толығымен өндірілді.

Мысалы, ағымдағы жылдың сәуір айында облыстың жергілікті атқарушы органдарының бірінің басшылық құрамның лауазымды тұлғасы еңбек заңнамасын бұза отырып, бұрын сыбайлас жемқорлық қылмыс жасаған адамды ведомстволық бағынысты мекеменің басшысы ретінде жұмысқа қабылдады, сол арқылы ҚР ӘҚБтК-нің 681-бабында көзделген әкімшілік құқық бұзушылық жасады. Кінәлі адам 50 АЕК көлемінде айыппұл түрінде әкімшілік жазаға тартылды.

Ағымдағы жылдың мамыр айында облыстың аудандарының бірінің пробация қызметінің инспекторына сыйлық ретінде 10 000 теңге сомасында ақша қаражатын берген шартты түрде сотталған азаматқа қатысты ҚР ӘҚБтК-нің 676-бабы (жеке тұлғалардың заңсыз материалдық сыйақы беруі) бойынша әкімшілік іс қозғалды. Құқық бұзушыға 100 АЕК көлемінде әкімшілік айыппұл салынды.

Сонымен қатар, облыстың Сыбайлас жемқорлыққа қарсы қызметі тергеушіге келмегені үшін азамат ҚР ӘҚБтК-нің 665-бабы бойынша айыппұл түрінде әкімшілік жауапкершілікке тартылды.

«Бүгінгі күні әкімшілік тәжірибе сыбайлас жемқорлықты алдын алудың пәрменді құралдарының бірі болып табылады, ол неғұрлым ауыр сыбайлас жемқорлық әрекеттердің уақтылы алдын алуға, сондай-ақ мемлекетке келтірілген залалдың өтелуін қамтамасыз етуге мүмкіндік береді. Сондықтан осы бағыттағы жұмыс алдағы уақытта да жалғасатын болады», – деп атап өтті брифинг барысында Арман Рахимов.

Естеріңізге сала кетейік, Әкімшілік құқық бұзушылық туралы кодекске енгізілген түзетулерге сәйкес Сыбайлас жемқорлыққа қарсы қызмет 15 бап бойынша әкімшілік хаттамалар жасау арқылы әкімшілік құқық бұзушылықтарды анықтауға және жолын кесуге құқылы, әкімшілік хаттамаларды кейіннен соттар қарайды.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...