-11.7 C
Kokshetau
Сейсенбі, Ақпан 27, 2024
ЖаңалықтарОқиғаҚылмысАқмола облысында есірткіні жарнамалаған Петропавл тұрғындары ұсталды

Ақмола облысында есірткіні жарнамалаған Петропавл тұрғындары ұсталды

Қылмысты 24 сәуірде Ерейментау қаласы криминалдық полиция бөлімінің қызметкерлері анықтады. Жедел уәкілдердің ақпараты бойынша, бір күн бұрын аудан орталығының аумағына есірткі заттарын сатумен айналысатын сайттарды заңсыз жарнамалауды насихаттау және орналастыру мақсатында Солтүстік Қазақстан облысының тұрғындары келген.

«Насихатшыларды» полиция қызметкерлері қылмыс орнында ұстады. 22 жастағы жігіт пен 19 жастағы бойжеткен Уәлиханов көшесіндегі №43 көппәтерлі үйдің подьездінде тыйым салынған жазуларды жазу кезінде ұсталды. Заттай дәлел ретінде трафареттер мен аэрозольдық баллондар тәркіленді.

Жастардың айтулары бойынша олар Ерейментау қаласына жарнамалық «науқанмен» келген, СҚО тұрғындарының міндеті тыйым салынған препараттарды насихаттайтын және сататын сайттарға сілтемелер тарату болған. Мұндай «тапсырманы» олар танымал интернет қосымшасы арқылы табылған жұмыс берушіден алған.

Қазіргі уақытта аталған факті бойынша ҚР ҚК 299-1-бабы 2-бөлігі бойынша сотқа дейінгі тергеу жүргізілуде, жастар ұсталып, уақытша ұстау изоляторына қамалды.

Еске сала кетсек, 2020 жылдың 11 қаңтарынан бастап ҚР Қылмыстық кодексіне есірткіні насихаттайтын және өткізетін интернет – сайттарға сілтемелер таратқаны үшін қылмыстық жауапкершілікті көздейтін «Есірткі заттарын, психотроптық заттарды немесе сол тектестерді, прекурсорларды насихаттау немесе заңсыз жарнамалау» деген 299-1-бап енгізілді. Бұдан былай тыйым салынған граффити салғаны үшін ұсталған азаматтар үш жылға дейін бас бостандығынан айырылуы мүмкін.

Егер осындай әрекеттерді адамдар тобы алдын ала сөз байласу арқылы бірнеше рет, білім беру ұйымдарында, сондай-ақ адамдар көп жиналатын объектілерде, бұқаралық ақпарат құралдарын немесе электрондық ақпараттық ресурстарды пайдалана отырып немесе қызмет бабын пайдалана отырып жасаса, кінәлілер алты жылға дейінгі мерзімге бас бостандығынан айырылуы мүмкін.

- Жарнама -Newspaper WordPress Theme

Соңғы жаңалықтар

Зеренді ауданының Баратай ауылында ауыл клубы жұмыс істейді

Өнер десе ішкен асын жерге қояр ауыл қауымы үшін бұл өте үлкен таптырмас орын десек артық айтпаймыз. Клубта осы бір жылдық жұмыс көлемінде бірнеше...

Ақмола облысында Антикор Pro bono волонтерлері азаматтарға тегін кеңес берді

Ақмола облысының сыбайлас жемқорлыққа қарсы Pro bono волонтерлері Көкшетау қаласының №3 ХҚКО ғимаратында азаматтарға тегін кеңес берді. Іс-шара барысында білікті адвокаттар, заң кеңесшілері, нотариустар және...

Ақмола облысында мектепті сапасыз жөндеген мердігерге айыппұл салынды

Есіл ауданының прокуратурасы күрделі жөндеу жұмыстары жүргізілген мектепті тексеру кезінде орындалған жұмыстардың актілеріне заңсыз қол қойылғанын және сол үшін бюджет қаражатынан жалпы сомасы 27...

Көкшетауда «Өзбекәлі және мәдени майдан» кітабының салтанатты тұсаукесері өтті

Өткен аптада «Достар» мәдениет үйінде  Отбасы хрестоматиясы жобасының  авторы, ағартушы, шығыстанушы Санжар Керімбай мен Әділбек Нәбидің «Өзбекәлі және мәдени майдан» кітабының салтанатты тұсаукесері болды. Кітап...

Ақкөл ауданында тұрғын үй өртеніп, бір адам көз жұмды

Ақмола облысы ТЖД баспасөз қызметінің мәліметінше, өрт 19 ақпанда түнгі сағат 04:45-те Еңбек ауылының Целинная көшесі бойында орналасқан жеке тұрғын үйде болды. Өртті сөндіруге ТЖД...