Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарОқиғаАқмолалық 43 шенеунік сыбайлас жемқорлық қылмысы үшін жауапқа тартылды

Ақмолалық 43 шенеунік сыбайлас жемқорлық қылмысы үшін жауапқа тартылды

Тартылған 43 адамның 5-і облыстық деңгейдегі, 5-і қалалық және 6-ы аудандық деңгейдегі басшылар. Бұл туралы Сыбайлас жемқорлыққа қарсы іс-қимыл аумақтық департаментінің басшысы Арман Рахимов 2021 жылдың 10 айындағы жұмыс қорытындысы бойынша онлайн-брифинг барысында мәлімдеді.

Спикердің ақпараты бойынша, есепті кезеңде өңірдің Сыбайлас жемқорлыққа қарсы қызметі 59 қылмыстық істі тіркеді, оның ішінде 42 – ауыр және аса ауыр қылмыстар.

Қылмыстың көп бөлігі ұрлық пен алаяқтық, сондай-ақ парақорлық фактілерімен байланысты. 21 адамға қатысты 36 іс сотқа жолданды.

Сондай-ақ, облыстың Антикоры жүйелі сыбайлас жемқорлықтың 6 фактісі анықтады, онда 14 қылмыс анықталып, 17 адам тартылды. Мемлекеттік органдардың лауазымды тұлғалары тарапынан ШОБ қызметіне заңсыз араласудың 8 фактісі, лауазымды тұлғалардың «көлеңкелі» экономика субъектілеріне қамқорлығының 3 фактісі анықталды. Мемлекеттік бағдарламаларды іске асыруды сүйемелдеу аясында 14 қылмыс тіркелді.

Есепті кезеңнің қорытындысы бойынша 1 млрд теңгеден астам сомаға залалды өтеу қамтамасыз етілді.

«Жалпы, өткен жылмен салыстырғанда сыбайлас жемқорлық құқық бұзушылықтары төмендеуінің оң динамикасын атап өткім келеді, бұл үрдіс тек өңірде ғана емес, республика бойынша да байқалады. Бұл мемлекеттік басқару өкілдерінің де, сондай-ақ немқұрайлы емес азаматтардың да сыбайлас жемқорлықтың алдын алу аясындағы жұмысының нәтижесі», – деді спикер.
Тікелей эфирде өткен брифинг барысында Арман Рахимов.

Сонымен бірге,  ол мемлекеттік органдардың ҚР ҚПК 200-бабының тәртібінде ұсынулар енгізу арқылы сыбайлас жемқорлық құқық бұзушылықтардың қайталанған жағдайларына жол бермеу шаралары туралы хабардар етті.

Атап айтқанда, а.ж. 10 айында облыстың Сыбайлас жемқорлыққа қарсы қызметі 49 ұсыну енгізді. Мемлекеттік қызметкерлер мен түрлі ұйымдар қызметкерлерінің қатысуымен 28 кездесу өткізілді.

Жүргізілген жұмыс нәтижелері бойынша 41 лауазымды тұлға, оның ішінде 23 басшы тәртіптік жауапкершілікке тартылды. 7 лауазымды тұлға жұмысынан шығарылды мен атқаратын қызметінен босатылды. Жартысынан көбі сөгіс пен ескерту алды, 11 адамға қызметке толық сәйкес еместігі туралы ескертілді.

Департамент басшысының айтуынша, ағымдағы жылдың басынан бері сыбайлас жемқорлық фактілері туралы хабарлаған 8 ақмолалық 980 мың теңге алды.

«Осы тұрғыда, азаматтарды белсенді азаматтық ұстаным танытуға және сыбайлас жемқорлықтың әрбір белгілі фактісі туралы Агенттіктің 1424 Call-орталығына немесе өңірлік Сыбайлас жемқорлыққа қарсы қызметке хабарлауға шақырамын. Департамент өз тарапынан әрбір жағдай бойынша тиісті шаралар қабылданатынына сендіреді», – деді Арман Рахимов.

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...