Ақмола облысы бойынша Сыбайлас жемқорлыққа қарсы іс-қимыл департаментінің басшысы Асхат Оразхан Қазақстан Республикасы күніне арналған «Егеменділік Декларациясы: тәуелсіздіктің қайнар көздері» атты халықаралық ғылыми-практикалық конференцияға қатысты. Жыл сайынғы іс-шараның ұйымдастырушысы Шоқан Уәлиханов атындағы Көкшетау университеті болып табылады.
Конференцияның пленарлық отырысына өңірдің мемлекеттік органдарының басшылары, судьялар, адвокаттар, шетелдік және отандық ғылыми қоғамдастықтардың өкілдері, оқытушылар мен студенттер де қатысты.
Қатысушылар мемлекеттілікті нығайту, қоғамның құқықтық мәдениетін арттыру, жоғары патриоттық сананы қалыптастыру, халықаралық ғылыми және саяси ынтымақтастықтың өзекті мәселелерін талқылады.
Конференция жұмысы азаматтық құқық және қылмыстық құқық секцияларында өтті. Онда 30-дан астам ғылыми мақалалар ұсынылды, оның ішінде сыбайлас жемқорлыққа қарсы күресте мемлекеттердің өзара іс-қимылының халықаралық-құқықтық мәселелеріне арналған мақалалар болды.
Айта кетсек, 1990 жылғы 25 қазанда қабылданған Мемлекеттік егемендік туралы декларация Қазақстан тәуелсіздігінің саяси және құқықтық негізін қалыптастырды. Бүгінде мемлекет азаматтардың құқықтары мен бостандықтарын қорғауды қамтамасыз ету, халықтың әл-ауқатын арттыру, қызметтің маңызды салаларын дамыту, қоғамдық келісім орнату үшін маңызды қадамдар жасауда. Құқық қорғау органы ретінде Сыбайлас жемқорлыққа қарсы қызмет үшін адам құқықтарын қорғау бірінші кезектегі міндет. Сыбайлас жемқорлық тәуекелдерінің картасы, сондай-ақ «Бизнеске жол» және «Сыбайлас жемқорлыққа қарсы волонтерлік» жобалары аясында өңір азаматтары және кәсіпкерлерінің құқықтары мен мүдделері қорғалады.
