-11.7 C
Kokshetau
Сейсенбі, Ақпан 27, 2024
ЖаңалықтарҚоғамАқмолалық полицейлер сыбайлас жемқорлыққа қарсы күресті күшейтуге шақырылды

Ақмолалық полицейлер сыбайлас жемқорлыққа қарсы күресті күшейтуге шақырылды

Ақмола облысы бойынша Сыбайлас жемқорлыққа қарсы іс-қимыл департаментінің басшылығы аумақтық Полиция департаментінің жеке құрамымен сыбайлас жемқорлықтың себептері мен жағдайларын қарау бойынша онлайн режимінде кездесу өткізді.

Кездесу барысында қатысушыларға Көкшетау қаласы полиция басқармасының полиция қызметкерлеріне қатысты қылмыстық іс шеңберінде ҚР ҚПК 200-бабы негізінде енгізілген ұсыныс бойынша ақпарат жеткізілді.

Жоғары тұрған басшылық пен жетекшілік ететін адамдар тарапынан тиісті бақылаудың болмауы, қызметкерлердің өз функционалдық міндеттерін тиісінше орындамауы, сондай-ақ қылмыстық іс жүргізу заңнамасының нормаларын сақтамау құқық бұзушылық жасаудың мән-жайлары болды.

Алдағы уақытта осындай құқық бұзушылықтарды болдырмау үшін қол астындағылардың қызметіне бақылауды күшейту, қызметкерлер арасында тиісті түсіндіру және алдын алу жұмыстарын жүргізу, сыбайлас жемқорлық тәуекелдерін жою және полиция қызметкерлері жұмысының ашықтығын қамтамасыз ету ұсынылды.

Сондай-ақ, Полиция департаментінің басшылығына жас қызметкерлердің кәсіби дайындығына ерекше назар аудару, тәлімгерлік институтын күшейту, заңдылықтың жиі кездесетін бұзылулары бойынша жедел-тергеу іс-шараларын жүргізу жөнінде жадынамалар мен әдістемелік құралдар әзірлеу ұсынылды.

Айта кету керек, соңғы екі жылда облыстық Сыбайлас жемқорлыққа қарсы қызмет iшкі істер органдарына 37 ұсыныс жіберді, олардың қорытындысы бойынша кінәлі лауазымды тұлғалар – 53 адам – тәртіптік жауапкершілікке тартылды, оның ішінде жұмыстан шығаруға мен босатуға дейін – 12 адам.

Сөз сөйлеу барысында өңірдің Сыбайлас жемқорлыққа қарсы қызметінің басшысы Арман Рахимов кездесуге қатысушыларға сыбайлас жемқорлыққа қарсы іс-қимыл мәселелері бойынша заңнаманың негізгі өзгерістерін түсіндіріп, құқық қорғау саласындағы сыбайлас жемқорлыққа қарсы іс-қимыл шараларын күшейтуге назар аударды.

«Полиция органдарының қызметкерлері азаматтарымыздың қауіпсіздігін қамтамасыз етіп, қоғамдық тәртіпті сақтауы тиіс. Ал қазіргі уақытта мемлекеттік биліктің өкілі ретінде сіздер халық алдында ерекше жауапкершілік танытуларыңыз, парасаттылық пен сатылмаушылық қағидаттарын мүлтіксіз сақтауларыңыз қажет, мен сіздерді осыған шақырамын», – деп атап өтті Арман Рахимов.

- Жарнама -Newspaper WordPress Theme

Соңғы жаңалықтар

Зеренді ауданының Баратай ауылында ауыл клубы жұмыс істейді

Өнер десе ішкен асын жерге қояр ауыл қауымы үшін бұл өте үлкен таптырмас орын десек артық айтпаймыз. Клубта осы бір жылдық жұмыс көлемінде бірнеше...

Ақмола облысында Антикор Pro bono волонтерлері азаматтарға тегін кеңес берді

Ақмола облысының сыбайлас жемқорлыққа қарсы Pro bono волонтерлері Көкшетау қаласының №3 ХҚКО ғимаратында азаматтарға тегін кеңес берді. Іс-шара барысында білікті адвокаттар, заң кеңесшілері, нотариустар және...

Ақмола облысында мектепті сапасыз жөндеген мердігерге айыппұл салынды

Есіл ауданының прокуратурасы күрделі жөндеу жұмыстары жүргізілген мектепті тексеру кезінде орындалған жұмыстардың актілеріне заңсыз қол қойылғанын және сол үшін бюджет қаражатынан жалпы сомасы 27...

Көкшетауда «Өзбекәлі және мәдени майдан» кітабының салтанатты тұсаукесері өтті

Өткен аптада «Достар» мәдениет үйінде  Отбасы хрестоматиясы жобасының  авторы, ағартушы, шығыстанушы Санжар Керімбай мен Әділбек Нәбидің «Өзбекәлі және мәдени майдан» кітабының салтанатты тұсаукесері болды. Кітап...

Ақкөл ауданында тұрғын үй өртеніп, бір адам көз жұмды

Ақмола облысы ТЖД баспасөз қызметінің мәліметінше, өрт 19 ақпанда түнгі сағат 04:45-те Еңбек ауылының Целинная көшесі бойында орналасқан жеке тұрғын үйде болды. Өртті сөндіруге ТЖД...