Бейсенбі, Сәуір 18, 2024
19.2 C
Kokshetau
19 C
Nur-Sultan
18 C
Almaty
ЖаңалықтарAMANAT«AMANAT» партиясының өкілдері халықпен кездесуде

«AMANAT» партиясының өкілдері халықпен кездесуде

Елордасы Нұр-Сұлтанның маңайында орналасқан Целиноград ауданының елдімекен тұрғындарын алаңдатып отырған мәселелерді шешуде іс-әрекетті үйлестірудің маңызы зор. «AMANAT» партиясының Ақмола облыстық филиалының мобильді қоғамдық қабылдауы шалғай елдімекен халқымен жүздесіп, ауылдың түйткілдерін білу мақсатымен Целиноград ауданының Тасты ауылдық округіне ат басын тіреді.

Аудан орталығы Ақмолдан 100 шақырымнан аса жерде орналасқан Тасты ауылдық округіне 3 ауыл кіреді. Ауылға кіреберістен-ақ, көшелерінің тазалығы көзге бірден түсті. Яғни, ауылда тәртіп бар. Халқының да ауызбірлігі бар екен. Бұл ауыл әкімі Ержан Сабыровтың іскерлігін көрсетеді. Бір жарым жылғы қызметі барысында жергілікті кәсіпкерлермен тіл табыса отырып, ауылда жаңадан ФАП-тың салынуына ықпал еткен. Жергілікті қауымдастықпен ақылдаса отырып, бюджеттің төртінші деңгейінен түскен қаржыға ауылдағы тәртіпті күшейту үшін көшелерге бейнебақылау камераларын орнатқан. Десе де, ауылдық округте шешілмеген мәселелер  баршылық. Бұл туралы жергілікті қауымдастықтың төрағасы Алтыбай Балмағамбетов айтып берді.

«АMANAT» партиясы келгенін естіп, көрші Ақмешіт ауылынан келіп тұрмыз. Біздің ауылда мектеп салынбай жатыр. Мектебіміз ескі, спортзалы мен мәжіліс залы жоқ. Клуб жұмыс істемейді. Осындай  мәселелер көп ауылымызда. «АMANAT» партиясы осы мәселелердің оң шешілуіне ықпал етеді деп сенеміз. Біздің өтінішімізді жоғарыға жеткізіп, халық қалаулылары бұл бағытта жұмыс жасайды деп сеніп отырмыз», деді жергілікті қауымдастықтың төрағасы Алтыбай Балмағамбетов.

Халық қалаулылары қолдарынан келетін мәселелерді барынша шешіп беруге тырысып-ақ бағуда. Мәселен, облыстық мәслихат депутаты Сайра Әйтенова Тастақ ауылында ашылғалы тұрған ауыл клубына жиһаз бен теннис үстелін сыйлайтын болды. Ал, өзекті деген мәселелерді облыстық деңгейде оң шешілуіне барынша ықпал етпекші.

«Бүгін біз Тасты, Тастақ, Ақмешіт тұрғындарымен кездестік. Бүгінгі таңда көтерілген мәселелер өте көп. Мәселен, ауыз су мен мәдени демалыс орындары, мектебінде жағдай жасалмаған ауылдардан халық көшіп жатыр. Осыны болдырмас үшін біз жағдай жасауымыз керек. Ауылдарда жұмыс бар, тех халықтың әлеуметтік жағдайын жақсартуымыз керек. Біз ауыз су, жол, мектеп пен мәдениет үйі  сияқты өзекті мәселелердің барлығын облыстық деңгейде көтеріп, мәселені барынша шешуге тырысатын боламыз», – облыстық мәслихат депутаты Сайра Әйтенова.

Ал, ауыл азаматы Сәрсенгелді Ермұхамбетов елдімекенді орталықтандырылған ауыз сумен қамту жүйесі салынғанын қалап, партиялықтардан қолдау сұрады.

«AMANAT» партиясы ауыл-ауылдарды аралап, халықтың біраз мәселелерін шешіп жатқанынан хабардармын. Біздің ауылға келгенін естіп қуанып қалдық. Енді біздің сұрайтынымыз, үздіксіз таза ауыз сумен қамтылу. Суымыз бар. Тек орталықтандырылған ауыз сумен қамту жүйесінің салынуына қолдау білдірсе дейміз», – деді ауыл тұрғыны Сәрсенгелді Ермұхамбетов.

Ауылдықтардың алға тартқан өтініштері орынды-ақ. Сондықтан партия мәселенің оң шешілуін тездетуге ат салыспақ. Ауылдықтарды сондай-ақ, Тасты ауылының ішкі жолдарын жөндеу мәселесі алаңдатуда.

 «Ауылымыздың ішкі көше жолдары жөнделсе екен. Соған партиялықтар ықпал етіп, мәселені көтеріп, оң шешілуіне өз ықпалын тигізсе деген өтінішпен келіп тұрмын», – ауыл тұрғыны Ғалия Баттакова.

Мобильді қоғамдық қабылдау барысында ауылдықтарға жақын арада атқарылатын жұмыстар туралы ақпарат берілді.

Жалпы, қабылдауға келгендерді жастарға арналған спорттық инфрақұрылымның жоқтығы, ауылдық клубқа жөндеу жүргізу, Тастақ ауылында мектеп салу мен аудан орталығына апаратын жолды жөндеуден өткізу сияқты сұрақтар  мазалайтыны анықталды. Жол демекші, аудан орталығымен байланыстыратын жолды қиыршық тас тасымалдайтын ауыр жүк көліктері әбден бүлдірген.

Алайда, карьер иелері бизнестің әлеуметтік жауапкершілігін сезінуге әлі асықпайтын сыңайлы. Десе де, ауыл әкімі бүгінде карьер иелерімен сөйлесіп, олармен өзара келәсімге келу арқылы бұл мәселені оңтайлы шешуді жоспарлауда.

«Халықтың барлық сұрақтары сараланып, топтастырылып, жауапты мекемелер белгіленеді де, нақты орындалу мерзімі анықталатын болады»,-деп түйіндеді партияның облыстық филиалының Қоғамдық қабылдау бөлмесінің меңгерушісі Ақманат Әлімбетова.

Ауыл халқының айтқан өтініштерінің оң шешілуі партияның бақылауында болады.

- Жарнама -Newspaper WordPress Theme

Соңғы жаңалықтар

Президент қазақстандықтарға және тілеулестік танытқан шет мемлекеттердің басшыларына алғыс айтты

Қасым-Жомарт Тоқаев қазақстандықтарға және тілеулестік танытқан шет мемлекеттердің басшыларына алғыс айтты. Президент Қасым-Жомарт Тоқаев су тасқынына қарсы күресте көрсеткен қолдауы мен көмегі үшін қазақстандықтарға және...

Автожолдарды топан судан қорғау

Ақмола облысында су тасқынын алдын алу бойынша жұмыстар атқарылуда. Қазіргі таңда Ақмола облысының Қосшы, Жібек Жолы және Атбасар елді мекендерінде «ҚазАвтоЖол» ҰҚ» АҚ мамандары...

8 мемлекеттік қызметшінің құқықтары қалпына келтірілді

Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай...

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...