Сот анасының денсаулығына ауыр зиян келтірді деген айыппен жұмыс істемейтін, бұрын соттылығы бар «Ж.»-ға қатысты қылмыстық істі қысқартылған тәртіппен қарады (ҚК 106-бабының 1-бөлігі).

66 жастағы «К.» үйде құлап, жамбас сүйегі сынған. Оның ұлы «Ж.» мас күйінде үйге келгенде, анасының ауырсынуына шағымданғанына, одан тұруды талап етіп, оған айқайлаған, содан кейін төсектен еденге итеріп, кеудеге және ішке аяқпен тепкен. Содан кейін «Ж.» ұйықтап қалды. Бірнеше сағаттан кейін оянып, анасының ыңырсығанын естіп, жедел жәрдем шақырған.

«К.» жамбас сүйегінің жабық сынуы диагнозымен ауруханаға жатқызылды, кеуде жарақаты, алты қабырғаның сынуы, кеуде гематомасы, жамбас сүйегінің сынуы, іштің жарақаты, көкбауырдың жарылуы, іш қуысында қанның жиналуы анықталды.

Сотта «Ж.» кінәсін мойындап, өкінді, жәбірленуші анасы оны кешірді, ұлына ешқандай талап қоймады, оны бас бостандығынан айырмауды өтініп сұрады.
Жаза тағайындауда сот сотталушының қылмыстық жауаптылығы мен жазасын жеңілдететін мән-жайларды – әрекетіне өкінгенін, сондай-ақ ауырлататын мән-жайларды — мас күйінде қылмыс жасағанын ескерді.

Сот үкімімен «Ж.»-ға 4 жылға бас бостандығынан айыру жазасы тағайындалды және 575 398 теңге сомасында (жәбірленушіні емдеуге шығындар) материалдық залал өндірілді. Сонымен қатар, бас бостандығынан айыруды өтеу орны бойынша алкоголизмнен емдеу бойынша медициналық сипаттағы мәжбүрлеу шаралары тағайындалды.

Бас бостандығынан айыру жазасы «Ж.»-ға іс-әрекеттің қоғамдық қауіптілігінің жоғарылауына байланысты тағайындалады.

Үкім заңды күшіне енген жоқ.

Ақмола облысы Көкшетау қалалық соты.