Сейсенбі, Мамыр 28, 2024
8.2 C
Kokshetau
7 C
Nur-Sultan
22 C
Almaty
ЖаңалықтарЖемқорлықАнтикор: адал бизнесті ынталандыру маңызды

Антикор: адал бизнесті ынталандыру маңызды

Бизнес-ортада сыбайлас жемқорлықтың алдын алу аясында Ақмола облысы бойынша Сыбайлас жемқорлыққа қарсы іс – қимыл департаменті «Гормолзавод» ЖШС өкілдерімен сыбайлас жемқорлыққа қарсы заңнама нормаларын түсіндіру бойынша кездесу өткізді.

Кездесу барысында Департаменттің превенция басқармасының басшысы Жанат Тұралинов қатысушыларға сыбайлас жемқорлыққа қарсы іс-қимыл мәселелері бойынша заңнамадағы негізгі өзгерістерді және сыбайлас жемқорлыққа қарсы саясат үрдістерін түсіндірді.

Спикер атап өткендей, бизнесті дамытудағы кедергілердің бірі сыбайлас жемқорлық болып табылады. Сондықтан кәсіпкерлікті дамыту және сыбайлас жемқорлықтың алдын алу міндеттері бір-бірімен тығыз байланысты. Департамент бизнес субъектілерін мемлекеттік құрылымдардың заңсыз араласуынан қорғау бойынша шаралар қабылдайды. Сыбайлас жемқорлыққа қарсы қызмет қызметкерлерінің негізсіз ұстауларға, тінту мен алуларға жол бермеу үшін іс-әрекеттерін бақылау күшейтіледі. Бизнес мүдделерін қозғайтын тергеу әрекеттерін үйлестіру алгоритмі әзірленді.

Сонымен қатар, 2022-2026 жылдарға арналған Сыбайлас жемқорлыққа қарсы саясат тұжырымдамасында белгіленгендей, кәсіпкерлік саласындағы сыбайлас жемқорлыққа қарсы іс-қимыл бойынша шаралар қабылдау аясында адал бизнесті ынталандыру өзекті болып табылады. Осы бағыттағы пәрменді шара сыбайлас жемқорлыққа қарсы стандартты ерікті түрде имплементтеу болып табылады. Жұмыскерлерді сыбайлас жемқорлыққа қарсы мінез-құлық негіздеріне оқытудың үздіксіз процесін белгілеу керек. Кәсіпкерлік субъектілерінің сыбайлас жемқорлыққа қарсы ұсынымдарға сәйкестігі экономикалық және беделдік ынталандырулар арқылы оларды көтермелеу шараларын қолдануға негіз болады.

Соңында Жанат Тұралинов кездесуге қатысушыларды қабылданатын шешімдердің ашықтығын қамтамасыз етуге, адал бәсекелестікті сақтауға, әлеуметтік жауапкершілікті көрсетуге шақырды.

Өз кезегінде, кәсіпорын басшылығы өңірдегі сыбайлас жемқорлыққа қарсы іс-қимыл шараларын іске асыру шеңберінде сындарлы ынтымақтастыққа дайын екендігін білдірді.

Айта кетейік, «Гормолзавод» ЖШС – сүт өңдеу және сүт өнімдерін шығаруға маманданған ірі кәсіпорын. Өнімді өткізу нарығы елдің бірнеше қаласында игерілген.

- Жарнама -Newspaper WordPress Theme

Соңғы жаңалықтар

С.Нұрмағамбетов -100 жыл: Көкшетауда «Батырлардың даңқы мәңгілік» атты әскери – танымдық іс – шарасы өтті

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Халық Қаһарманы, Тәуелсіз Қазақстанның тұңғыш қорғаныс министрі Сағадат  Нұрмағамбетовтың  100 жылдық  мерейтойына орай «Батырлардың...

Көлік құралдарын заңсыз тіркегені үшін сотталды

ЖШС-нің директоры «О.» бұрынғы полиция инспекторы «К.»-мен бірлесіп, 2020 жылдың желтоқсаны - 2022 жылдың қаңтары аралығында шетелден әкелінген көлік құралдарын тіркеуді жүйелі түрде ұйымдастырған....

Аршалы ауданында жүк цистернасынан тұз қышқылы төгілді

Аршалы ауданының Сарыоба станциясында жүк цистерналардың бірінен тұз қышқылының төгілуі орын алды. Ағып кету пайда болған жарықтан пайда болды. Облыстық және аудандық штаб дереу орналастырылды....

Ақкөл қаласында Сағадат Нұрмағамбетовке ескерткіш ашылды

Ақкөл қаласында Кеңес Одағының Батыры, Халық Қаһарманы, тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдық мерейтойына арналған салтанатты іс-шара өтті. Оған...

Жолшылар Көкшетау қаласының мектеп түлектерімен кездесті

Жолшылар Көкшетау қаласының мектептерінің түлектерімен кездесті. Жол активтерінің Ұлттық сапа Орталығының Ақмола облысы бойынша филиалы ұжымы арнайы мектепке барып, кәсіби-бағдар беру дәрісін өткізді. Кездесуге...