Сейсенбі, Маусым 18, 2024
20.2 C
Kokshetau
21 C
Nur-Sultan
29.1 C
Almaty
ЖаңалықтарҚазақстанҚарағандыда өрт сөндіру-құтқару спорты бойынша Әлем чемпионаты басталды

Қарағандыда өрт сөндіру-құтқару спорты бойынша Әлем чемпионаты басталды

2 қыркүйекте Қарағанды облысында «Шахтер» орталық стадионында өрт сөндіру-құтқару спорты бойынша ерлер арасындағы XVI Әлем чемпионатының және әйелдер арасындағы VII Әлем чемпионатының салтанатты ашылу рәсімі өтті.

Шара Жамбыл облысында оқ-дәрілер қоймасында болған қайғылы оқиға салдарынан қаза тапқан адамдарды бір минут үнсіздікпен еске алу рәсімінен басталды. Төтенше оқиға кезінде 15 адам, оның ішінде 6 әскери қызметші мен азаматтық қорғау органдарының 9 қызметкері қаза тапқан болатын.

Чемпионаттың ашылу салтанатына Қазақстан Республикасының, Беларусь Республикасының ТЖ министрлері, Ресей Федерациясының Азаматтық қорғаныс, төтенше жағдайлар және табиғи апаттардың салдарын жою министрінің бірінші орынбасары Александр Чуприян, сондай-ақ 15 елдің қатысушылары мен делегаттары қатысты.

Қарағанды облысының әкімі Жеңіс Қасымбек, Қазақстан Республикасының Төтенше жағдайлар министрі Юрий Ильин, Ресей Федерациясының Азаматтық қорғаныс, төтенше жағдайлар және табиғи апаттардың салдарын жою министрінің бірінші орынбасары – Өрт сөндірушілер мен құтқарушылардың халықаралық спорт федерациясының президенті Александр Чуприян, өрт сөндірушілер мен құтқарушылардың халықаралық спорт федерациясы атқарушы комитетінің директоры Андрей Калинин және жарыстың бас төрешісі Нейедлы Александр құттықтау сөз сөйледі.

Чемпионат алауы жағылғаннан кейін, салтанатты шара аясында әйелдер мен ерлер командалары арасында шабуыл сатысымен көтеріліп, жеңімпаздарды марапаттау бойынша финалдық жарыстар өтті.

Әлем чемпионатының екінші жарыс күнінде командалар 100 метрлік кедергілерден өтетін болады. Келесі күндері өрт эстафетасы мен жауынгерлік қанат жаю бойынша жарыстар өтеді.

Өрт сөндіру-құтқару спорты бойынша ерлер арасындағы XVI Әлем чемпионаты мен әйелдер арасындағы VII Әлем чемпионатында бірінші орынға ие болған командаларға жаңа автокөліктердің кілттері табыс етіледі.

Қазақстанда мұндай іс-шара екінші мәрте өтіп отыр. 2014 жылы чемпионаттың әлем біріншілігі тұңғыш рет Алматы қаласында өткен болатын.
Өрт сөндіру-құтқару спорты бойынша әлем чемпионаттарын өткізу әлемнің түрлі елдерінің азаматтық қорғау органдары саласындағы достық байланыстар мен ынтымақтастықты нығайтуға бағытталған.

 

ҚР ТЖМ баспасөз қызметі

- Жарнама -Newspaper WordPress Theme

Соңғы жаңалықтар

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...