Ақмола облыс бойынша орман шаруашылығы және жануарлар әлемі аумақтық инспекциясының мәліметінше, наурыздың 29-да киіктер мекендейтін Егіндікөл ауданының Теңіз көлі мен Абай ауылы маңындағы дала төсінде «К-700» тракторымен қар тазалау жұмыстары жүргізілді.
Бұл жұмыстарға орман шаруашылығы және жануарлар әлемі аумақтық инспекциясы, Егіндікөл ауданы әкімдігі, аудандық ветеринарлық инспекция бөлімі және «ПО Охотзоопром» республикалық мемлекеттік қазыналық кәсіпорны орталық өңірлік филиалының инспекторлары жұмылдырылды.
