Сыбайлас жемқорлыққа қарсы қызметтің Ақмола облысы бойынша департаменті «Адалдық сағаты» республикалық акциясы аясында «IQanat High School of Burabay» мектебінің оқушыларымен кеңес өткізді.

Кездесу барысында облыстық Сыбайлас жемқорлыққа қарсы іс-қимыл департаменті басшысының бірінші орынбасары Сағыныш Аяғанова Сыбайлас жемқорлыққа қарсы қызметтің жұмысы және «Сыбайлас жемқорлыққа қарсы еріктілік», «Бизнеске жол» және т.б. сияқты іске асырылып жатқан жобалар туралы айтып берді.

Спикер қоғамды сыбайлас жемқорлыққа қарсы іс-қимылға тартудың маңыздылығын, ерте жастан балалардың бойында берік адамгершілік қасиеттерін, берік азаматтық ұстанымын және сыбайлас жемқорлыққа қарсы мінез-құлықтың тұрақты дағдыларын қалыптастыру қажеттігін атап өтті.

Оқушылар арасында сыбайлас жемқорлықты қабылдау деңгейін анықтау үшін сауалнама жүргізілді.

Кездесу ашық диалог форматында өтті, оқушылар өз сұрақтарын қойып, пікірлерімен бөлісті, сыбайлас жемқорлыққа қарсы тақырыптағы бейнеролик көрсетілді.