Көкшетау қаласының азаматтары ХҚКО жанындағы жаңа «Құжаттау терминалының» көмегімен құжаттарды ресімдей алады. Жоба қазірдің өзінде іске қосылды және қазіргі уақытта жоба штаттық режимде жұмыс істейді.
Жоба азаматтарға өзіне-өзі қызмет көрсету терминалдары арқылы төлқұжаттар мен жеке куәліктерді дербес рәсімдеуге, күту уақытын қысқартуға және құжаттарды алу процесін жеңілдетуге мүмкіндік береді. Терминалдар Астананың барлық ХҚКО-ларында және Алматының екі ХҚКО-ларында орнатылған, енді Көкшетау тұрғындарына да қолжетімді, бұл құжаттарды алу процесін одан да қолжетімді әрі ыңғайлы етеді.
Терминалдар бейнені тану жүйесімен жабдықталған, бұл рәсімнің қауіпсіздігін арттырады және құжаттарды заңсыз алу мүмкіндігін болдырмайды. Азаматтар ең қолайлы фотосуретті таңдап, мемлекеттік бажды сол жерде төлей алады және құжаттарды дайындауға небәрі 5 минут ішінде өтініш бере алады.
Жоба іске қосылған сәттен бастап құжаттандыру терминалдары арқылы 38 мыңнан астам мемлекеттік қызмет көрсетілді және терминалдар арқылы азаматтардың өтініштерінің саны Астана және Алматы ХҚКО-ларындағы өтініштердің жалпы санының 30% – дан астамын құрайды.
Ақмола облысы құжаттау үшін терминалдар орнатылған алғашқы облыс болды. Бұл мемлекеттік қызметтер саласында инновациялық технологияларды енгізудегі өңірдің жетекші рөлін көрсетеді.
Көкшетау қаласындағы жаңа құжаттау терминалы Әуезов көшесі, 189А мекен-жайында орналасқан (жұмыс режимі: 09.00 – 18.00).
ҚР ЦДИАӨМ баспасөз қызметі.
