Сәрсенбі, Маусым 19, 2024
13.2 C
Kokshetau
15 C
Nur-Sultan
20 C
Almaty
ЖаңалықтарЖемқорлықКөкшетау ЖОО студенттеріне «Сыбайлас жемқорлыққа қарсы волонтерлік» жобасы туралы айтылды

Көкшетау ЖОО студенттеріне «Сыбайлас жемқорлыққа қарсы волонтерлік» жобасы туралы айтылды

Білім беру саласындағы сыбайлас жемқорлыққа қарсы мәдениетті арттыру аясында Ақмола облысы бойынша Сыбайлас жемқорлыққа қарсы іс-қимыл департаментінің басшылығы Көкшетау қаласының Гуманитарлық-техникалық академиясының оқытушыларымен және студенттерімен кездесу өткізді.

Кездесу барысында Департамент басшысының бірінші орынбасары Айдос Жақиялин сыбайлас жемқорлыққа қарсы саясаттың өзекті бағыттары және сыбайлас жемқорлыққа қарсы заңнаманың маңызды новеллалары туралы айтты.

Сыбайлас жемқорлыққа қарсы саясаттың 2022-2026 жылдарға арналған тұжырымдамасында көрсетілгендей, сыбайлас жемқорлық көріністеріне жол бермейтін жаңа көзқарастары мен қағидаттары бар өскелең ұрпақты тәрбиелеу қоғамның парасаттылық жүйесін қалыптастыруда маңызды рөл атқарады. Стратегиялық құжатта отбасы институты арқылы сыбайлас жемқорлыққа қарсы мінез-құлықты дамыту, құндылықтарды өзгерту және академиялық адалдықты нығайту мәселелеріне қатысты бірқатар түзетулер көзделген.

Сондай-ақ спикер кездесуге қатысушыларды Сыбайлас жемқорлық тәуекелдері картасы және «Бизнеске жол» жобасы аясында азаматтар мен кәсіпкерлерді толғандыратын мәселелерді шешу бойынша жүргізіліп жатқан жұмыстар туралы хабардар етті.

Бұдан басқа, қоғамды сыбайлас жемқорлыққа қарсы іс-қимыл мәселелеріне кеңінен тарту мақсатында тамыз айынан бастап «Сыбайлас жемқорлыққа қарсы волонтерлік» жобасы іске асырылуда. Жобаның бағыттарының бірі – зерттеу және білім беру, оның аясында білім беру ұйымдарының әлеуеті арқылы сыбайлас жемқорлыққа қарсы шешімдерді әзірлеу және сыбайлас жемқорлық мәселелерін зерттеу, студенттерді сыбайлас жемқорлықтың алдын алу жөніндегі іс-шараларды өткізуге тарту көзделген.

Соңында студенттер өздерін қызықтырған сұрақтарға жауап алды, сондай-ақ сыбайлас жемқорлыққа қарсы еріктілер қатарына қосылуға ниет білдірді.

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...