Көкшетаудың Әуелбеков және Сәдуақасов көшелерінің қыйлысында орналасқан аллеядан орын тепкен ескерткіштің ашылуына аймақ басшысы Ермек Маржықпаев, сондай-ақ, тыл, еңбек ардагерлері, зиялы қауым өкілдері, Еркін Әуелбековтің туған-туыстары мен көзі көрген адамдар және Ақмола жұртшылығы қатысты.
Ескерткіш «Еркін Әуелбеков» қоғамдық қорына жиналған қаражат есебінен тұрғызылды.
Айта кетсек, Көкшетауда орталық көшелердің бірі Еркін Әуелбеков есімімен аталады. Солтүстік Қазақстан облысы Ғабит Мүсірепов ауданының орталығында, Қызылордада – бюсті орнатылды, сондай-ақ көшеге есімі берілді.
Заманында Еркін Әуелбеков Қазақстанның үш аймағын — Көкшетау, Торғай және Қызылорда облыстарын үлкен абыроймен басқарған. 1973 жылы оған еңбектегі ерен ерлігі үшін Социалистік Еңбек Ері атағы берілді. Ол Қызылорда облысын басқарған жылдары аграрлы өңірдің өнеркәсіп өлкесіне айналуының алғы қадамдары жасалды. Көкше өңірінің дамуына да баға жетпес үлес қосты.
