Дүйсенбі, Маусым 17, 2024
23.2 C
Kokshetau
28 C
Nur-Sultan
30 C
Almaty
ЖаңалықтарҚоғамМәдениетКөкшетауда «Ән аға-Шәмші аға» облыстық байқауының жүлдегерлері марапатталды

Көкшетауда «Ән аға-Шәмші аға» облыстық байқауының жүлдегерлері марапатталды

Бүгін халықтың бай қазынасы – ән жанрына өзіндік өшпес өрнегімен мәңгілік із қалдырған, махаббатқа, сүйіспеншілікке толы әсем сазды сыршыл әндердің авторы, аса көрнекті сазгер, ән жанрының әйгілі майталманы, осы заманғы қазақ эстрадасының негізін салушы Қазақстанның халық әртісі Шәмші Қалдаяқовтың шығармаларын насихаттау, келешек ұрпаққа жеткізу мақсатында ұйымдастырылған «Ән аға-Шәмші аға» облыстық ән байқауының гала-концерті өтті.

Сырлы әнмен қазақ халқының бітім-болмысын, шынайы бейнесін сипаттап, ән әлемінде айрықша орнын қалдырған ұлы композитор атын ұлықтайтын дәстүрлі өнер додасына Ақмола облысының Ақкөл, Аршалы, Жарқайың, Зеренді, Егіндікөл, Бұланды, Атбасар, Қорғалжын, Бурабай, Шортанды, Целиноград аудандары мен Көкшетау, Қосшы, Степногорск қалаларынан келген 20 өнерпаз қатысты.

Айта кетейік, қазақтың музыка өнерінде Шәмшінің орны ерекше 300-ге жуық әндері бар. Биылғы байқаудың ерекшелігі – ұлы композитордың орындаушысын таппай, орындалмай жүрген әндері жарыққа шығарылып, көрерменге жол тартты.

Сахнадан шырқалған әндердің қатарында «Отырардағы той», «Сыр сұлуы», «Әнім сен едің», «Сүйген болсаң сағынарсың», «Сағынышым менің», «Ақ маңдайлым», «Шынарым», «Сыған серенадасы», «Кешікпей келем деп ең», «Өмір өзен», «Бақыт құшағында» сынды әндері де бар.

Мерекелік кештің қонақтары – Қазақстан эстрадасының жарық жұлдыздары Нұрлан Әміров пен Арайлым Баярлина өнер көрсетті.

Ақмола облысы мәдениет басқармасының басшысы Айгүл Сәбитова қазақтың ән өнерінде есімі ерекше сақталар бір туар сазгердің төл мерекесі жоғары дәрежеде өткенін ерекше атады.

Өнер бәйгесінде талантымен дараланған байқау жеңімпаздары келесідей анықталды:

Бас жүлде – Айдар Байдилдин (Шортанды ауданы);

1 орын – Мағауия Қуатбаев (Степногорск қаласы);

2 орын – Ақтоты Әбдірахман (Краснояр ауылы);

3 орын – Өмірзақ Құрбанов (Бурабай ауданы).

Барлық қатысушылар дипломдар және бағалы сыйлықтармен марапатталады. Өнерсүйер қауым бүкіл елде Шәмшінің әні әуелегендей ерекше сезімде тарқасты.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...