Дүйсенбі, Маусым 17, 2024
25.2 C
Kokshetau
23 C
Nur-Sultan
30 C
Almaty
ЖаңалықтарЖемқорлықКөкшетауда қоғамдық мониторинг қорытындысы бойынша автожолдарды жөндеу сапасының төмендігі анықталды

Көкшетауда қоғамдық мониторинг қорытындысы бойынша автожолдарды жөндеу сапасының төмендігі анықталды

Көкшетау қаласының әкімі Бауржан Ғайсаның төрағалығымен өткен кеңесте облыстың Сыбайлас жемқорлыққа қарсы қызметінің өкілдері, «Әділдік жолы» РҚБ атқарушы директоры Дидар Смағұловтың, депутаттардың, жұртшылықтың, мемлекеттік органдар мен ұйым басшыларының қатысуымен сыбайлас жемқорлыққа қарсы іс-қимыл мәселелері қаралды.

Сөз сөйлеу барысында Сыбайлас жемқорлыққа қарсы іс-қимыл департаменті превенция басқармасының басшысы Жанат Тұралинов автожолдар саласы облыстың Сыбайлас жемқорлық тәуекелдері картасына енгізілгенін атап өтіп, Көкшетау қаласының автожолдарын жөндеуге жүргізілген мониторинг қорытындысы бойынша анықталған бірқатар кемшіліктер туралы хабарлады. Айта кету керек, мониторинг «Әділдік жолы» РҚБ және Ұлттық жол активтері сапасы орталығының филиалдарымен бірлесіп жүргізілді.

Қоғамдық мониторинг белгілегендей, жекелеген мердігерлік ұйымдар жол жұмыстары бойынша өз міндеттемелерін тиісті түрде орындамайды. Бұл ретте мемлекеттік органдар атынан тапсырыс берушілер жұмыстың сапалы орындалуын тиісті бақылауға алмайды. Мысалы, өткен жылы кәсіпорындардың бірі 397 млн теңгеге қаланың көше-жол желісіне орташа жөндеу жүргізген, алайда кейбір учаскелер бойынша жол жамылғысының шөгуі, асфальт жарықтары, оның ішінде бойлық жарықтар анықталды. Красный Яр ауылында да жолдарды жөндеу жұмыстарының сапасыз жасалғаны белгілі болды. Онда жалпы сомасы 440 млн теңгеге екі компания жұмыс жүргізген.

Спикер тапсырыс берушілер мен мердігерлерге кепілдік міндеттемелері шеңберіндегі ақауларды қысқа мерзімде жою, сол арқылы қандай да бір құқық бұзушылықтарды болдырмау және халық тарапынан сынға түсуге жол бермеу қажеттігін атап өтті.

Кеңес барысында «Әділдік жолы» РҚБ атқарушы директоры Дидар Смағұлов сыбайлас жемқорлыққа қарсы іс-қимыл саласындағы ынтымақтастық туралы меморандум шеңберінде тығыз өзара іс-қимыл жасауға бастамалық танытқаны үшін қала әкіміне алғысын білдіріп, бірлескен күш-жігерді талап ететін бірқатар проблемалық мәселелерді айтты.

Соңында Бауыржан Ғайса жауапты бөлімдерге қалалық автожолдардың құрылысы мен жөнделуіне тұрақты негізде тиісті бақылауды қамтамасыз етуді тапсырып, мемлекеттік органдардың жұртшылық өкілдерімен тиімді ынтымақтастығын құрудың маңыздылығын атап өтті.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...