«Sanaly urpaq» жобасы аясында Ақмола облысында қоғамда сыбайлас жемқорлыққа қарсы мәдениетті қалыптастыру саласындағы үздік жобаға конкурс өтті.
Абай Мырзахметов атындағы Көкшетау университеті Сыбайлас жемқорлыққа қарсы іс-қимыл агенттігінің аумақтық департаментімен бірлесіп аталған байқауды ұйымдастырды.
Жас ұрпақтың бойында сыбайлас жемқорлыққа қарсы көзқарасты және оған төзбеушілік мінез-құлықты қалыптастыру мақсатында ұйымдастырылған байқауға жоғары оқу орындарының студенттері мен магистранттары қатысып, өздерінің жобалық жұмыстарын ұсынды.
Байқау нәтижесі бойынша университеттің 3-ші курс студенті Олжас Серғазиннің «Қазақстандық қоғамда сыбайлас жемқорлыққа қарсы мәдениетті қалыптастыру» тақырыбындағы жұмысы үздік студенттік жоба деп танылды. Конкурсқа қатысушы өз шығармасында сыбайлас жемқорлыққа қарсы іс-қимыл шараларын жетілдіру бойынша бірнеше бастаманы ұсынды, олардың ішінде тәуелсіз және тығыз журналистермен ынтымақтастық, шетелде сыбайлас жемқорлардың капиталын анықтау бойынша шетелдік құқық қорғау органдарымен өзара іс-қимыл жасау, азаматтық сектормен белсенді жұмыс, сыбайлас жемқорлық фактілері мен сыбайлас жемқорлардың тізімін көрсете отырып, халықтық виртуалды онлайн-қосымшаны әзірлеу және тағы басқалар.
Екінші орынды алдыңғы қатарлы халықаралық тәжірибеге сүйене отырып, сыбайлас жемқорлыққа қарсы мәдениетті қалыптастыру аясында өз ұсыныстарын ұсынған 1-курс студенті Алина Узбергенова жеңіп алды.
Үшінші орынды 2-ші курс студенті Гүлназ Ермекбаева иеленді, ол «Сыбайлас жемқорлыққа қарсы іс-қимыл негіздері» пәнін 9-11 сынып оқушылары үшін мектеп бағдарламасына енгізудің тиімділігін егжей-тегжейлі негіздеді.
Байқау жеңімпаздары дипломдармен марапатталды.
