Жексенбі, Маусым 23, 2024
28.2 C
Kokshetau
34 C
Nur-Sultan
31 C
Almaty
ЖаңалықтарҚоғамМемлекеттік қызметМҚІА Департаменті құрылыс компаниясының рұқсат құжаттарын қалпына келтірді

МҚІА Департаменті құрылыс компаниясының рұқсат құжаттарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментіне Көкшетау қаласының жер қатынастары, сәулет және қала құрылысы бөлімі бас жоспарға сәйкес келмейтіндігіне сілтеме жасай отырып, көппәтерлі тұрғын үй салуға рұқсаттың әрекетін тоқтату мәселесі бойынша құрылыс компаниясы жүгінді.

Осылайша, Көкшетау қаласының әкімдігі компанияға рұқсат берілгенше дейін жер учаскесінің нысаналы мақсатын жеке тұрғын үй құрылысынан көппәтерлі үй салуға өзгерту туралы шешім шығарды. Өтініш беруші өзіне жүктелген шарттық міндеттемелерді адал орындай отырып, жер учаскесінің нысаналы мақсатын өзгерту үшін бюджетке 6 миллион теңгеден астам сомада төлем енгізген.

Аталған жағдайға дейін қала әкімдігі серіктестіктің жер учаскесінде көппәтерлі тұрғын үй салуды көздейтін егжей-тегжейлі жоспарлау жобасын бекітті.

Көптеген шығындар мен құрылыс құжаттарын рәсімдеудің ұзақ рәсімдерін өткеннен кейін компания мемлекеттік органның рұқсатты тоқтату  туралы шешімін заңсыз деп санап, Департаментке шағым түсірді.

Әкімшілік рәсімдік-процестік кодексте әкімшілік актінің күшін жою үшін нақты негіздер көзделген.

Алайда, Департамент жүргізген тексеру барысында мемлекеттік орган бұл жағдайда осындай негіздердің бар екендігін дәлелдей алмады.

Сонымен қатар, бас жоспарға қайшы келетін егжей-тегжейлі жоспарлау жобасы жергілікті атқарушы органның кінәсінен қабылданды, бұл Әкімшілік рәсімдік-процестік кодекстің сенім құқығын қорғау қағидатына сәйкес құрылыс салушы үшін ауыртпалық салатын салдарға алып келмеуі тиіс.

Шағымды қарау нәтижесінде Департаменттің нұсқамасы негізінде бөлім құрылыс компаниясының сәулет-жоспарлау тапсырмасын қалпына келтірді.

- Жарнама -Newspaper WordPress Theme

Соңғы жаңалықтар

Тауларда Қарағанды қаласының тұрғыны құтқарылды

Ер адам Бурабай курортының ең биік тауына көтеріліп, өздігінен түсе алмады. Оқиға орнына Ақмола облысы ТЖД Жедел-құтқару жасағының және «Бурабай» МҰТП құтқарушылары келген бойда Қарағандыдан...

Киелі мекендердің табиғатын бірге сақтайық

ҚР Президенті Іс Басқармасына қарасты «Бурабай-Даму» ЖШС, Бурабай курортында кезекті экологиялық акция өткізді. «Таза Қазақстан» жалпыұлттық экологиялық акциясы аясында Серіктестіктің 30 - дан астам...

Дәрігер – мамандықтың асылы!

Мемлекет басшысы өз Жолдауларында «Елімізге еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады. Біз қарапайым еңбек адамына құрмет көрсетуіміз...

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...