Сенбі, Мамыр 18, 2024
17.5 C
Kokshetau
19 C
Nur-Sultan
16 C
Almaty
ЖаңалықтарҚоғамМемлекеттік қызмет балалар көзімен

Мемлекеттік қызмет балалар көзімен

Қазақстан Республикасының мемлекеттік қызметшілер күні мерекесі қарсаңында ҚР Мемлекеттік қызмет істері агенттігінің Ақмола облысы бойынша департаменті мемлекеттік қызметшілердің балалары арасында «Менің ата-анам – мемлекеттік қызметші» тақырыбында суреттер байқауын ұйымдастырды.

Барлығы 31 жұмыс ұсынылды. Байқаудың әділдігі мен ашықтығын қамтамасыз ету үшін қазылар алқасының құрамына дизайнер және суретші, Көкшетау қаласының «Гранат» шығармашылық студиясының жетекшісі кірді.

Жұмыстарды талқылау барысында қазылар алқасы қатысушылардың белсенділігін және шығармашылық қабілеттерін атап өтті, себебі балалар өз суреттерінде туған жерге, ата-аналарына деген сүйіспеншілігін білдіруге, олардың мемлекеттік қызметтегі жұмысын жарқын бейнеде сипаттауға тырысты.

Байқау қорытындысы бойынша І орынды Айым Дүйсембаева иеленді. ІІ орын Валерия Хлыстоваға, ІІІ орын Күлше Мәженоваға берілді. Сондай-ақ «Үздік идея» номинациясы Сезім Әсетқызына және «Ең эмоционалды сурет» номинациясы Айлин Әлімоваға берілді.

Байқауға қатысушылардың суреттері түрлі техникалар мен стильдерде орындалды. Әрбір жұмыс қатысушылардың мемлекеттік қызметтің мақсаттарын қалай қабылдайтынын көрсетіп, олардың дүниетанымын ашып көрсетті. Көптеген қатысушылар өз таланттарының жаңа қырларын көрсете алды.

Мысалы, Сезім Әсетқызы әке-шешесін күн сайын адамдарға көмектесіп, ерлік көрсететін «Супермен» және «Чудо женщина» бейнесінде суреттеген. Байқаудың тағы бір қатысушысы Айлин Әлімова да өз атасын мемлекеттік қызметке, яғни жұмысына шығарып салып жатқанын суреттеді. Оған қоса кейбір балалар ата-аналарының үйдегі және жұмыстағы өмірін бірге бейнелеп көрсете алды.

Байқау жеңімпаздары дипломдармен және сыйлықтармен марапатталады. Сонымен қатар, барлық балалардың суреттері Департамент ғимаратындағы стендке ілінетін болады.

Осындай іс-шаралар мемлекеттік қызметтің имиджін арттыруға, сондай-ақ өскелең ұрпақтың бойында патриоттық сезімді тәрбиелеуге ықпал етеді.

Жазира Тоқтар, ҚР МҚІА Ақмола облысы бойынша департаментінің баспасөз хатшысы.

- Жарнама -Newspaper WordPress Theme

Соңғы жаңалықтар

Еліміздің үздік хирург-дәрігерлері Ақмола тұрғындарына ота жасады

Көкшетауда «Жедел абдоминальді хирургияның өзекті мәселелері» атты Халықаралық ғылыми-конференция басталды. Іс-шара үлкен тәжірибесі мен жоғары кәсіби деңгейі бар медицина саласының мамандарының басын қосты. Сонымен...

Музей түні «Ойыншықтар әлемі» көрмесі өтті

Халықаралық музейлер күні қарсаңында 15 мамыр күні Мәлік Ғабдуллин мұражайында «Музейдегі түн» акциясы өтті. Жылдағы дәстүр бойынша, музей бұл күні таңғы сағат 10-нан түн...

Словакия премьер-министрі Роберт Фицоға қастандық жасалды

Шетелдік басылымның мәліметінше, бірнеше оқ жарақатын алған Роберт Фицо жедел ауруханаға жатқызылған. Қазіргі кезде оның жағдай өте ауыр, өміріне қауіп төніп тұрған көрінеді. Сонымен бірге,...

Олжас Бектенов Ақмола облысында Президент тапсырмасының орындалу барысын тексерді

Премьер-Министр Олжас Бектенов жұмыс сапарымен Ақмола облысына барды. Үкімет басшысы өңірдегі көктемгі егіс жұмыстарының барысын тексерді, сондай-ақ ауыл шаруашылығы тауарын өндірушілерімен кездесіп, Макинск қаласындағы...

Көкшетау қаласында құжаттарды ресімдеу үшін арнайы терминал іске қосылды

Көкшетау қаласының азаматтары ХҚКО жанындағы жаңа «Құжаттау терминалының» көмегімен құжаттарды ресімдей алады. Жоба қазірдің өзінде іске қосылды және қазіргі уақытта жоба штаттық режимде жұмыс...