Мемлекеттік қызметшілер арасында сыбайлас жемқорлыққа қарсы мәдениетті ілгерілету және мемлекеттік қызметтің оң имиджін қалыптастыруға жәрдемдесу мақсатында Ақмола облысында мемлекеттік қайраткерлер мен құрметті мемлекеттік қызметшілер қатарынан спикерлер пулының өңірдің мемлекеттік органдарының өкілдерімен түсіндіру кездесулері өткізіледі.
Осыған дейін көп жыл бойы қадағалау органдары жүйесінде қызмет еткен облыс әкімі аппаратының әдеп жөніндегі уәкілі Айнагүл Жанәділова облыстың аудандары мен қалаларының жергілікті атқарушы органдарының қызметкерлерімен көшпелі кездесулер өткізді.
Кездесу барысында Айнагүл Жанәділова Әдеп кодексінің, Сыбайлас жемқорлыққа қарсы іс-қимыл және Мемлекеттік қызмет мәселелері бойынша заңнаманың негізгі нормаларын түсіндіре отырып, әдеп нормаларын сақтаудың және мемлекетке қызмет атқаратын адамдардың кез келген құқық бұзушылықтарға мүлдем төзбеушілікті танытудың маңыздылығын атап өтті.
Сондай-ақ, «Әділдік жолы» РҚБ облыстық филиалының жетекшісі Ерлаз Жайықбаев облыс өңірлері әкімдіктерінің мемлекеттік қызметшілерімен кездесіп, мемлекеттік қызметте жинақталған тәжірибесімен бөлісіп, мемлекеттік және азаматтық бастамаларды іске асырудағы жеке үлесі туралы айтты.
Ерлан Жайықбаев атап өткендей, бүгінде ол қоғамдық қызмет аясында қоғамда сыбайлас жемқорлыққа қарсы мінез-құлықты қалыптастыру, халықтың құқықтық сауаттылығын арттыру, сондай-ақ парасаттылық идеологиясын ілгерілету мәселелеріне өз үлесін қосуды жалғастыруда.
Айта кетейік, мемлекеттік қайраткерлерді, мемлекеттік қызмет ардагерлері мен құрметті мемлекеттік қызметшілерді тарта отырып, осындай алдын алу кездесулер тұрақты түрде өткізіліп тұрады.
