Дүйсенбі, Маусым 17, 2024
25.2 C
Kokshetau
23 C
Nur-Sultan
30 C
Almaty
ЖаңалықтарҚоғамМемлекеттік қызметшілердің үстеме жұмысы қатаң бақылауда

Мемлекеттік қызметшілердің үстеме жұмысы қатаң бақылауда

Мемлекеттік қызметшінің мәртебесі өзінің бар міндеттерінен басқа «Қазақстан Республикасының мемлекеттік қызметі туралы» Заңында көзделген мемлекеттік қызметшінің құқықтарын, бостандықтарын да қамтиды. Мемлекеттік қызметшілердің еңбегін, денсаулығын қорғауға, қауіпсіз және тиімді жұмыс істеуі үшін қажетті еңбек жағдайларына, сондай-ақ әлеуметтік және құқықтық қорғалуға құқығы бар.

Айта кету керек, демалыс уақыты – бұл қызметкер еңбек міндеттерін орындаудан босатылған және өз қалауы бойынша пайдалана алатын уақыт.

Қазіргі уақытта мемлекеттік органдар ғимараттарды (үй-жайларды) қызметшілердің кіру және шығу уақыттарын тіркеуді жүзеге асыратын бақылау жүйесімен жабдықтау бойынша шаралар қабылдауда.

Қазақстан Республикасы Мемлекеттік қызмет істері агенттігінің Ақмола облысы бойынша департаменті қолжетімділікті бақылау жүйесі деректерін түсіру мониторингі бойынша жұмыс, сондай-ақ күн тәртібін сақтау бойынша алдын алу іс-шараларын іске асырады.

Жұмыс берушінің жұмыс уақыты мен күнделікті жұмыстың қалыпты және қысқартылған ұзақтығын заңсыз асырғаны үшін әкімшілік жауапкершілік көзделгенін атап өту қажет.

Кезек күттірмейтін, күні бұрын болжанбаған жұмыстарды орындау үшін мемлекеттік қызметшілер Қазақстан Республикасының еңбек заңнамасына сәйкес үстеме жұмысқа, демалыс және мереке күндеріндегі жұмысқа тартылуы мүмкін.

Көрсетілген жағдайларда мемлекеттік қызметшіге демалыс күндері (сағаттары) беріледі немесе жұмысы мемлекеттік қызметшілердің еңбегіне ақы төлеу жүйесіне сәйкес өтеледі.

Бұдан басқа, 2021 жылғы 27 қыркүйекте Ақмола облысының еңбек инспекциясы жөніндегі басқармасы мен Департамент арасында өзара ынтымақтастық туралы меморандум жасалды, оның шеңберінде қызметшілерді үстеме жұмысқа және демалыс және мереке күндері жұмысқа тарту фактілері туралы мәліметтер тексеру жүргізу және мемлекеттік органдардың басшыларын әкімшілік жауапкершілікке тарту туралы мәселені қарау үшін Басқармаға жіберілетін болады.

Бірінші кезекте әдеп жөніндегі уәкілдердің қызметшілердің үстеме жұмысы фактілерін болдырмауға және олардың бұзылған құқықтарын қалпына келтіруге бағытталған түсіндіру жұмыстарын жүргізудегі рөлін атап өту қажет.

Мемлекеттік органдардың басшылары еңбекті, денсаулықты қорғауға, тиімді қызмет ету үшін қауіпсіз және қажетті жағдайлар жасауға, сондай-ақ қызметшілердің ар-намысы мен қадір-қасиетін кемсітушіліктің және қол сұғушылықтың кез келген нысандарын болдырмайтын қолайлы моральдық-психологиялық ахуал жасауға бағытталған шаралар қабылдауға тиіс екенін атап өткен жөн.

Ануар ОМАРОВ,

Қазақстан Республикасы Мемлекеттік қызмет істері агенттігінің Ақмола облысы бойынша департаменті Мемлекеттік қызмет саласындағы бақылау басқармасының бас маманы.

- Жарнама -Newspaper WordPress Theme

Соңғы жаңалықтар

Екі азаматқа Қазақстан Республикасынан тыс жерлерге шығуды ресімдеу бойынша ақпараттық жүйедегі қателіктер түзетілді

Қазақстан Республикасы Мемлекеттік қызмет істері агенттігінің Департаментіне Ақмола облысы Есіл ауданының полиция бөлімі 2018 жылы Қазақстан Республикасынан тыс жерлерге тұрақты тұру үшін шығуға арналған...

Медицина қызметкерлері күні қарсаңында Ақмола облысында санитарлық авиация іске қосылды

Медицина қызметкерлері күні қарсаңында Ақмола облысында санитарлық авиация тікұшағы енгізілді. Бұл жаңалық облыс тұрғындарына шұғыл және жедел медициналық көмек көрсету уақытын айтарлықтай қысқартуға мүмкіндік...

Жаңа баспана алғандармен кездесті

Су тасқыны жөніндегі қоғамдық штабтың төрағасы, аудандық мәслихат депутаты Мейрам Қожахмет Старый Колутон ауылының тұрғындарымен кездесу өткізді. Ол көктемгі су тасқыны кезінде су басқан...

Астрахан ауданында су тасқынынан зардап шеккен отбасыларға тұрғын үй сатып алынып жатыр

Жақында ауданда болған су тасқынынан кейін кейбір елдімекендерде үйлер зақымданған еді. Үкімет пен жергілікті органдар зардап шеккендерге қалыпты жағдайға оралуға көмектесу үшін қолдан келгеннің...

Бұланды ауданында су тасқынынан зардап шеккен тұрғындарға көмек көрсету бойынша белсенді жұмыстар жалғасуда

А. ж. 10 маусымында Вознесенка ауылында залалды өтеу жөніндегі комиссия мүшелерінің жергілікті тұрғындармен кездесуі өтті. Кездесудің мақсаты мүлікті бағалау процесін және өтемақыны есептеу механизмін...