2021 жылдың 10 қаңтарында Мәжіліс пен мәслихаттар депутаттарының сайлауы өтеді. Бұл сайлау науқаны ел үшін қиын кезеңде өтіп жатыр. Әлемді шарпыған коронавирус пандемиясы жаңа қиындықтар туғызуда. Бірақ біз барлық сынақты бірге еңсеріп, жеңіске жететінімізге сенімдіміз!
Сарыоба селолық округінде Аршалы ауданы “ Nur Otan ” партиясы атынан аудандық мәслихат депутаттығына үміткер Ахимова Г.О және Қыдырбаева Т.Ұ, Турлыбеков С.Е ауыл халқына үгіт-насихат мақсатындағы жоспарлы кездесу өткізді. Кездесу барысында “Nur Otan” партиясының әлеуметтік саланы көтеру барысындағы басым бағыттарға тоқтала отырып, партияның сайлауалды бағдарламасымен таныстырды.
Ауыл тұрғындары тарапынан толғандырған мәселелер бойынша көптеген сұрақтар қойылды. Соның бірі және бірегейі-ауыл шаруашылығын көтеруге бағытталған субцидиялар.
Ауданда мал шаруашылығында, өсімдік шаруашылығында және өнімді қайта өңдеуде жаңа прогрессивті технологияларды енгізу есебінен жоғары технологиялық агроөнеркәсіп кешенін құру бойынша жұмыс жалғастырылады.
«Nur Otan» партиясы Ауыл шаруашылығын одан әрі дамыту міндетін алға қояды. Бұл үшін біз қол жеткіземіз:
- 2025 жылға қарай 3 репродукциядан төмен емес тұқым себу алаңын 90%-ға дейін ұлғайту;
- 2025 жылға қарай минералдық тыңайтқыштар алаңын 31 мың гектарға дейін ұлғайту;
- 2025 жылға қарай өсімдіктерді қорғау құралдарын қолдану алаңын 100% — ға дейін ұлғайту;
- 2021 жылы Бұлақ ауылдық округінде 1 сүт-тауар фермасын құру;
қосымша 35 ет фермасын құру есебінен етті мал шаруашылығын дамыту (жыл сайын 7 ферма бойынша)бағытында жұмыстар жүргізілетінін айтып өтті.
«Nur Otan» партиясының Ақмола облысы Аршалы ауданының Сайлау қорының қаражатынан төленді.
