Өтетін күні мен орны: 28 қыркүйек 2022 жыл, Көкшетау қаласы «Достар» Мәдениет үйі.
Көкшетаулық әншілер мен музыканттар хитке айналған әндердің кавер нұсқалары мен жанды дауыстағы вокалдық-аспаптық әуендерді орындайды
Достар мәдениет сарайында 28 қыркүйекте «Сәлем, Көкшетау!» облыстық байқау-фестивалі өтеді. Ұйымдастырушылары – oблыстық халық шығармашылық және мәдени демалыс орталығы.
Дәстүрлі байқаудың мақсаты: Көкшетау қаласының тұрғындары мен қонақтарының мәдени-демалыс іс-шараларына қызығушылығын арттыру, жастар ұжымдарының шығармашылығын насихаттау болып табылады.
Вокалдық-аспаптық ансамбльдер мен кавер топтар көкшетаулықтардың көңілінен шыққан фестивальдің қатысушылары.
Ашық алаңда олар қазақстандық авторлардың жазған сүйікті қаласы туралы әндері мен шетелдік танымал эстрада әндерін орындайтын болады.
Байқау жеңімпаздары диплом және бағалы сыйлықтармен марапатталады.
Үздік орындаушылардың өнері байқауды ұйымдастырушылардың әлеуметтік желідегі Fasebook және Instagram парақшаларында жарияланатын болады.
