Ағымдағы жылдың 20 қарашасында Степногорск қалалық ПБ кезекші бөліміне жергілікті тұрғынның арызы келіп түсті, әйел үйінен алтын бұйымдар ұрланғаны туралы хабарлады. Шығын сомасы 3 миллион 670 мың теңгені құрады.
Жедел-іздестіру шаралары барысында күдікті, 39 жастағы жергілікті тұрғын анықталды.
Әйелдердің бір-бірімен таныс, достық қарым-қатынаста болғаны, ал күдіктінің жәбірленушінің жеке мүлкіне еркін қол жеткізе алғаны анықталды.
Аталған факті бойынша Қылмыстық кодекстің 188-бабының 3-бөлігі «Ұрлық» бойынша сотқа дейінгі іс басталды.
